ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 11 ຕຸລານີ້ຕາມເວລາທ້ອງຖິ່ນ, ຢູ່ສຳນັກງານໃຫຍ່ອົງການສະຫະປະຊາຊາດ, ທ່ານອັນໂຕນີໂອ ກູເຕີເຣັສ, ເລຂາທິການໃຫຍ່ອົງການສະຫະປະຊາຊາດໄດ້ຕອບຄຳຖາມຂອງນັກຂ່າວກ່ຽວກັບສະພາບການດ້ານມະນຸດສະທຳຢູ່ອັຟການິສະຖານ. ທ່ານ ກູເຕີເຣັສ ກ່າວວ່າ, ສົງຄາມທີ່ເກີດຂຶ້ນມາຫຼາຍປີ ໄດ້ເຮັດໃຫ້ການພັດທະນາດ້ານເສດຖະກິດແລະລະດັບຊີວິດການເປັນຢູ່ຂອງປະຊາຊົນອັຟການິສະຖານຊຸດໂຊມລົງຢ່າງຕໍ່ເນື່ອງ. ຄຽງຄູ່ກັບຊັບສິນຂອງລັດຖະບານອັຟການິສະຖານຢູ່ຕ່າງປະເທດຖືກອາຍັດໄວ້, ແລະການຊ່ວຍເຫຼືອອັຟການິສະຖານຂອງສາກົນໄດ້ຖືກໂຈະໄວ້ເປັນການຊົ່ວຄາວ, ເສດຖະກິດອັຟການິສະຖານໄດ້ຊຸດໂຊມລົງຢ່າງຕໍ່ເນື່ອງ. ທ່ານກູເຕີເຣັສ ຮຽກຮ້ອງໃຫ້ປະເທດຕ່າງໆ ເພີ່ມທະວີການແລກປ່ຽນຄວາມຄິດເຫັນ, ເພື່ອໃຫ້ເສດຖະກິດອັຟການິສະຖານສາມາດເຄື່ອນໄຫວໄດ້, ປ້ອງກັນບໍ່ໃຫ້ມັນລົ້ມສະຫຼາຍ, ຄວນຊອກຫາຊ່ອງທາງເພື່ອຊ່ວຍເຫຼືອເສດຖະກິດອັຟການິສະຖານໃຫ້ສາມາດຟື້ນຄືນໄດ້.
ພ້ອມກັນນັ້ນ, ທ່ານ ກູເຕີເຣັສ ຍັງໄດ້ຮຽກຮ້ອງໃຫ້ລັດຖະບານຕາລີບັນຈົ່ງປະຕິບັດຕາມຄຳໝັ້ນສັນຍາ, ຮັບປະກັນໃຫ້ເພດຍິງໃນອັຟການິສະຖານສາມາດໄດ້ຮັບການສຶກສາຢ່າງສະເໝີພາບກັນ, ໃຫ້ຜູ້ຍິງມີສິດມີສຽງໃນສັງຄົມຢ່າງສະເໝີພາບກັນ.
ຄຳເຫັນ
0