ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມຂ່າວCRI: ວັນທີ 11 ຕຸລານີ້ຕາມເວລາທ້ອງຖິ່ນ, ທ່ານອາເມຍ ຄານ ມູຕາກີ, ຮັກສາການລັດຖະມົນຕີກະຊວງການຕ່າງປະເທດຂອງລັດຖະບານຊົ່ວຄາວອັຟການິສະຖານໄດ້ກ່າວຢູ່ນະຄອນຫຼວງໂດຮາກາຕາວ່າ: ຕາລີບານຂອງອັຟການິສະຖານຈະດຳເນີນການສົນທະນາກັບສະຫະພາບເອີຣົບຢູ່ທີ່ໂດຮາໃນວັນທີ 12 ຕຸລານີ້. ທ່ານກ່າວວ່າ, ຕາລີບານຫວັງວ່າແຕ່ລະປະເທດໂລກຈະສ້າງຕັ້ງສາຍພົວພັນທີ່ດີກັບອັຟການິສະຖານ, ຕາລີບານຍັງເຊື່ອວ່າການພົວພັນສາກົນທີ່ມີຄວາມດຸນດ່ຽງຈະສາມາດຊ່ວຍເຫຼືອໃຫ້ອັຟການິສະຖານຫຼຸດພົ້ນອອກຈາກຄວາມວຸ້ນວາຍແລະການປັ່ນປ່ວນ. ທ່ານຍັງກ່າວອີກວ່າ: ຕາລີບານກຳລັງດຳເນີນການສົນທະນາຢ່າງຕັ້ງໜ້າກັບຫຼາຍປະເທດ, ທ່ານໄດ້ພົບປະກັບເຈົ້າໜ້າທີ່ເຢຍລະມັນແລະອັງກິດໃນຫວ່າງມໍ່ໆມານີ້.
ໃນເວລາຕອບຄຳຖາມກ່ຽວກັບສິດໃນການສຶກສາຂອງເພດຍິງໃນອັຟການິສະຖານ, ທ່ານມູຕາກີກ່າວວ່າ: ປັດຈຸບັນນີ້ນັກຮຽນໂຮງຮຽນມັດທະຍົມເພດຍິງຈຳນວນໜຶ່ງຍັງບໍ່ທັໄດ້ຮັບການອະນຸຍາດໃຫ້ໄປໂຮງຮຽນເທື່ອ, ຍ້ອນວ່າສະພາບພະຍາດໂຄວິດ-19 ໄດ້ເປັນໄພຂົ່ມຂູ່ຕໍ່ຄວາມປອດໄພຂອງນັກຮຽນຍິງ.
ຄຳເຫັນ
0