ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 11 ຕຸລານີ້, ງານສຳມະນາຂອງຜູ້ຊ່ຽວຊານກ່ຽວກັບການເລີ່ມອອກອາກາດຂອງຊ່ອງໂອລິມປິກສະຖານີວິທະຍຸໂທລະພາບແຫ່ງຊາດຈີນ ໄດ້ຈັດຂຶ້ນຢູ່ນະຄອນຫຼວງປັກກິ່ງ. ຊ່ອງດັ່ງກ່າວແມ່ນຊ່ອງກິລາທີ່ມີຄວາມຄົມຊັດສູງແບບ 4K ທີ່ສົ່ງສັນຍານດ້ວຍດາວທຽມແລະລະບົບສາຍຕະຫຼອດ 24 ຊົ່ວໂມງແລະເປັນຊ່ອງທຳອິດຂອງໂລກ. ທ່ານ ເຊີ້ນຫາຍຊົງ, ຮອງຫົວໜ້າຄະນະໂຄສະນາອົບຮົມສູນກາງພັກກອມມູນິດຈີນ, ຜູ້ອຳນວຍການໃຫຍ່ສະຖານີວິທະຍຸໂທລະພາບຈີນໄດ້ເຂົ້າຮ່ວມງານສຳມະນາດັ່ງກ່າວ, ແລະໄດ້ສົນທະນາກັບຜູ້ແທນຄະນະກຳມະການໂອລິມປິກສາກົນ, ຜູ້ຊ່ຽວຊານ, ນັກວິຊາການແລະນັກກິລາດີເດັ່ນໃນງານ.
ໃນເວລາກ່າວຄຳປາໄສ, ທ່ານເຊີ້ນຫາຍຊົງກ່າວເນັ້ນວ່າ, ການເປີດຊ່ອງໂອລິມປິກຂອງຈີນ ແມ່ນມາດຕະການສຳຄັນຢ່າງໜຶ່ງຂອງສະຖານີວິທະຍຸໂທລະພາບສູນກາງຈີນ ໃນການປະຕິບັດຕາມທິດຊີ້ນຳອັນສຳຄັນຂອງທ່ານສີຈິ້ນຜີງ ເລຂາທິການໃຫຍ່ຄະນະກຳມະການສູນກາງພັກກອມມູນິດຈີນ, ແລະເປັນການຊຸກຍູ້ໃຫ້ກິລາໂອລິມປິກໄດ້ຮັບການພັດທະນາຢູ່ຈີນ. ຫຼັງຈາກເລີ່ມອອກອາກາດແລ້ວ, ໜ້າທີ່ທຳອິດຂອງຊ່ອງໂອລິມປິກກໍ່ແມ່ນຮັບໃຊ້ງານກິລາໂອລິມປິກລະດູໜາວປັກກິ່ງແລະງານກິລາໂອລິມປິກຄົນພິການລະດູໜາວປັກກິ່ງໃຫ້ໄດ້ດີ, ເລົ່າເລື່ອງລາວຂອງງານກິລາໂອລິມປິກທັງ 2 ເຫດການດັ່ງກ່າວທີ່ຈັດຂຶ້ນຢູ່ຈີນໄດ້ຢ່າງລະອຽດແລະດີງາມ.
ໃນງານສຳມະນາ, ຜູ້ແທນທີ່ຮ່ວມງານໄດ້ດຳເນີນການປຶກສາຫາລືກັນຢ່າງລົງເລິກແລະແລກປ່ຽນຄວາມຄິດເຫັນກັນຢ່າງກວ້າງຂວາງ ໂດຍປິ່ນອ້ອມຫົວຂໍ້ຕ່າງໆ, ເຊັ່ນ: ການປະດິດສ້າງເນື້ອໃນ, ການນຳໃຊ້ເຕັກນິກ, ການສ້າງເວທີ, ການພັດທະນາວຽກງານຂອງຊ່ອງໂອລິມປິກແລະອື່ນໆ.
ຄຳເຫັນ
0