ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 12 ຕຸລານີ້, ກອງປະຊຸມສຸດຍອດພິເສດກ່ຽວກັບບັນຫາອັຟການິສະຖານຂອງກຸ່ມ 20 ປະເທດຫຼື G20 ໄດ້ຈັດຂຶ້ນດ້ວຍຮູບແບບວິດີໂອ.
ທ່ານ ມາຣີໂອ ດຣາກີ, ນາຍົກລັດຖະມົນຕີອີຕາລີ ປະເທດປະທານໝູນວຽນຂອງ G20 ໄດ້ເປັນເຈົ້າພາບຈັດກອງປະຊຸມ, ຜູ້ນຳຂອງປະເທດສະມາຊິກ G20 ແລະອົງການຈັດຕັ້ງສາກົນທີ່ກ່ຽວຂ້ອງໄດ້ເຂົ້າຮ່ວມກອງປະຊຸມ. ທ່ານດຣາກີກ່າວວ່າ, ອັຟການິສະຖານກຳລັງຜະເຊີນກັບວິກິດການດ້ານມະນຸດສະທຳທີ່ນັບມື້ນັບຮ້າຍແຮງຂຶ້ນ, G20 ມີໜ້າທີ່ຮັບຜິດຊອບເພື່ອຊ່ວຍເຫຼືອອັຟການິສະຖານຄວບຄຸມສະຖານະການໃຫ້ມີຄວາມໝັ້ນທ່ຽງແລະຊ່ວຍແກ້ໄຂບັນຫາ. ກອງປະຊຸມໄດ້ດຳເນີນການປຶກສາຫາລືກ່ຽວກັບວ່າຈະເຮັດແນວໃດເພື່ອສະກັດກັ້ນບໍ່ໃຫ້ພະຍາດໂຄວິດ-19 ແຜ່ລະບາດຢູ່ອັຟການິສະຖານ, ແລະຫຼີກເວັ້ນບໍ່ໃຫ້ອັຟການິສະຖານກາຍເປັນບ່ອນລີ້ຊ້ອນຂອງລັດທິກໍ່ການຮ້າຍສາກົນ.
ຄຳເຫັນ
0