ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມຂ່າວCRI:ວັນທີ 13 ຕຸລານີ້, ທ່ານຫຼີຄຸຍເວີນ, ໂຄສົກກົມໃຫຍ່ດ່ານພາສີຈີນໄດ້ກ່າວໃນກອງປະຊຸມຂ່າວທີ່ຈັດຂຶ້ນໂດຍຫ້ອງຖະແຫຼງຂ່າວຂອງຄະນະລັດຖະບານຈີນວ່າ: ໃນ 3 ໄຕມາດຂອງປີ 2021 ນີ້, ການຄ້າຂາເຂົ້າຂາອອກລະຫວ່າງຈີນກັບຄູ່ຮ່ວມມືດ້ານການຄ້າຕົ້ນຕໍຂອງຈີນລ້ວນແຕ່ສາມາດຮັກສາຈັງຫວະເຕີບໂຕໄດ້ຫຼາຍກວ່າ 10% . ໃນນັ້ນການຄ້າກັບຕ່າງປະເທດຂອງຈີນກັບປະເທດຕ່າງໆທີ່ລຽບຕາມ “ໜຶ່ງແລວໜຶ່ງເສັ້ນທາງ” ມີການເຕີບໂຕໄວສົມຄວນ.
ທ່ານຫຼີຄຸຍເວີນກ່າວວ່າ, ໃນ 3 ໄຕມາດຂອງປີ 2021 ນີ້, ອາຊຽນ, ສະຫະພາບເອີຣົບ, ອາເມຣິກາໄດ້ກາຍເປັນຄູ່ຮ່ວມມືດ້ານການຄ້າໃຫຍ່ທີ່ສຸດຂອງຈີນ, ການຄ້າຂາເຂົ້າຂາອອກລະຫວ່າງຈີນກັບອາຊຽນໄດ້ບັນລຸເຖິງ 4.080 ຕື້ຢວນ, ເພີ່ມຂຶ້ນ 21,1% ເມື່ອທຽບໃສ່ໄລຍະດຽວກັນຂອງປີກາຍນີ້; ການຄ້າຂາເຂົ້າຂາອອກລະຫວ່າງຈີນກັບສະຫະພາບເອີຣົບໄດ້ບັນລຸເຖິງ 3880 ຕື້ຢວນ, ເພີ່ມຂຶ້ນ 20,5% ເມື່ອທຽບໃສ່ໄລຍະດຽວກັນຂອງປີກາຍນີ້;ການຄ້າຂາເຂົ້າຂາອອກລະຫວ່າງຈີນກັບອາເມຣິກາໄດ້ບັນລຸເຖິງ 3.520 ຕື້ຢວນ, ເພີ່ມຂຶ້ນ 24,9% ເມື່ອທຽບໃສ່ໄລຍະດຽວກັນຂອງປີກາຍນີ້. ນອກນີ້, ການຄ້າຂາເຂົ້າຂາອອກລະຫວ່າງຈີນກັບບັນດາປະເທດລຽບຕາມ “ໜຶ່ງແລວໜຶ່ງເສັ້ນທາງ”ເພີ່ມຂຶ້ນ 23,4%, ການຄ້າຂາເຂົ້າຂາອອກລະຫວ່າງຈີນກັບຄູ່ຮ່ວມມືດ້ານການຄ້າຂອງ “ສັນຍາການພົວພັນຄູ່ມືເສດຖະກິດຮອບດ້ານຂອງພາກພື້ນຫຼື RCEP” ໄດ້ເພີ່ມຂຶ້ນ 19,3%.
ຄຳເຫັນ
0