ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 13 ຕຸລານີ້, ສຳນັກຂ່າວສານຣອຍເຕີໄດ້ລາຍງານວ່າ: ອົງການຂໍ້ມູນຂ່າວສານດ້ານພະລັງງານອາເມຣິກາ ຫຼື EIA ໄດ້ຄາດຄະເນວ່າ: ຄຽງຄູ່ກັບລາຄາພະລັງງານໄດ້ຖີບຕົວສູງຂຶ້ນ, ຄ່າອາຍອຸ່ນຂອງຄອບຄົວຊາວອາເມຣິກາໃນລະດູໜາວປີນີ້ຈະເພີ່ມຂຶ້ນຫຼາຍ. ທ່ານສະຕີຟ ນານເລ, ຮັກສາການຫົວໜ້າຜູ້ EIAໄດ້ກ່າວວ່າ: ຄວາມຕ້ອງການດ້ານພະລັງງານເພີ່ມຂຶ້ນ ໄດ້ລື່ນກາຍການສະໜອງພະລັງງານໂດຍລວມ ເຊິ່ງໄດ້ເຮັດໃຫ້ລາຄາພະລັງງານຢູ່ແຫ່ງຕ່າງໆຂອງໂລກຖີບຕົວສູງຂຶ້ນ.
ຕາມຂໍ້ມູນຈາກພະແນກສະຖິຕິຂອງກະຊວງການຕ່າງປະເທດອາເມຣິກາສະແດງໃຫ້ເຫັນວ່າ: ຄອບຄົວຊາວອາເມຣິກາເກືອບເຄິ່ງໜຶ່ງແມ່ນໃຊ້ອາຍອຸ່ນທີ່ຜະລິດມາຈາກອາຍແກັສທຳມະຊາດ. ແຕ່ເດືອນຕຸລາປີນີ້ ຫາເດືອນມີນາປີໜ້າ, ຄ່າໃຊ້ຈ່າຍສະເລ່ຍຂອງຄອບຄົວເຫຼົ່ານີ້ ໃນດ້ານອາຍແກັສທຳມະຊາດຈະເພີ່ມຂຶ້ນ 30% ເມື່ອທຽບໃສ່ໄລຍະດຽວກັນຂອງປີກາຍນີ້ ເຊິ່ງຈະເທົ່າກັບ 746 ໂດລາສະຫະລັດ. ສ່ວນໃນລະດູໜາວຂອງປີກາຍນີ້, ຄ່າໃຊ້ຈ່າຍດັ່ງກ່າວມີພຽງແຕ່ 537 ໂດລາສະຫະລັດເທົ່ານັ້ນ.
ຄຳເຫັນ
0