ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ເນື່ອງຈາກການຂາດແຄນຖ່ານຫີນຢູ່ທົ່ວປະເທດອິນເດຍ, ໂຮງຜະລິດໄຟຟ້າຢູ່ແຫ່ງຕ່າງໆຂອງອິນເດຍໄດ້ຮັບຜົນກະທົບແລະຂາດແຄນໄຟຟ້າ.
ໃນບໍ່ເທົ່າໃດມື້ຜ່ານມານີ້,ຢູ່ຫຼາຍເຂດຂອງລັດບີຮາໄດ້ມອດໄຟເປັນເວລາທັງໝົດຫຼາຍກວ່າ 10 ຊົ່ວໂມງແລ້ວ. ບໍລິສັດສະໜອງໄຟຟ້າຢູ່ລັດບີຮາ ໄດ້ຊື້ໄຟຟ້າໃນຕະຫຼາດດ້ວຍລາຄາ 20 ຣູບີຕໍ່ກິໂລວັດໂມງ,ເຊິ່ງສູງກວ່າລາຄາປົກກະຕິທີ່ລັດຖະບານອິນເດຍກຳນົດ 3 ເທົ່າ.
ການສະໜອງໄຟຟ້າຢູ່ລັດອຸດຕາຣາຄານທາງພາກເໜືອຂອງອິນເດຍກໍ່ບໍ່ພຽງພໍ, ການຂາດແຄນໄຟຟ້າຢູ່ທົ່ວລັດໃນວັນທີ 13 ຕຸລານີ້ມີເຖິງ 1,7 ລ້ານກິໂລວັດໂມງ, ບໍລິສັດສະໜອງໄຟຟ້າທ້ອງຖິ່ນກ່າວວ່າ: ຢູ່ບາງເຂດຈະມີການມອດໄຟເພື່ອຈຳກັດການໃຊ້ໄຟຟ້າ.
ຢູ່ລັດມາຮາຣັສຕຣາເຊິ່ງເປັນທີ່ຕັ້ງຂອງນະຄອນມູມບາຍສູນກາງການເງິນອິນເດຍໄດ້ມີໂຮງຜະລິດໄຟຟ້າ 13 ແຫ່ງໄດ້ຢຸດເຮັດວຽກແລ້ວຍ້ອນຂາດແຄນຖ່ານຫີນ,ບໍລິສັດຜະລິດໄຟຟ້າກໍໄດ້ຊື້ໄຟຟ້າຈາກເຂດອື່ນດ້ວຍລາຄາເພີ່ມຂຶ້ນ 3 ເທົ່າຂອງລາຄາປົກກະຕິເພື່ອສືບຕໍ່ສະໜອງໄຟຟ້າ.
ຄຳເຫັນ
0