ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 14 ຕຸລານີ້, ທ່ານສີຈິ້ນຜິງ ປະທານປະເທດຈີນໄດ້ສົ່ງສານຊົມເຊີຍເຖິງງານວາງສະແດງແລະຊື້ຂາຍສິນຄ້າຂາເຂົ້າຂາອອກຈີນຄັ້ງທີ 130.
ທ່ານສີຈິ້ນຜິງກ່າວເນັ້ນວ່າ: ງານວາງສະແດງແລະຊື້ຂາຍສິນຄ້າຂາເຂົ້າຂາອອກຈີນໄດ້ຈັດຂຶ້ນເປັນເວລາ 65 ປີມານີ້, ໄດ້ປະກອບສ່ວນອັນສຳຄັນເພື່ອອຳນວຍຄວາມສະດວກໃຫ້ກັບວຽກງານການຄ້າສາກົນ ເປັນການຊຸກຍູ້ການເຊື່ອມຈອດກັນລະຫວ່າງຈີນກັບຕ່າງປະເທດ ແລະຊຸກຍູ້ໃຫ້ເສດຖະກິດມີການພັດທະນາ. ປະຈຸບັນນີ້, ເສດຖະກິດການຄ້າຂອງໂລກພວມປະເຊີນກັບການປ່ຽນແປງຢ່າງເລິກເຊິ່ງ. ງານວາງສະແດງແລະຊື້ຂາຍສິນຄ້າຂາເຂົ້າຂາອອກຈີນຕ້ອງປະກອບສ່ວນການສ້າງຮູບແບບພັດທະນາອັນໃໝ່, ປະດິດສ້າງກົນໄກໃໝ່, ເພີ່ມເນື້ອໃນແລະບົດບາດໃຫ້ຫຼາຍຂຶ້ນ, ພະຍາຍາມເສີມຂະຫຍາຍບົດບາດຂອງມັນໃຫ້ກາຍເປັນເວທີສຳຄັນຂອງຈີນໃນການເປີດປະຕູສູ່ພາຍນອກຢ່າງຮອບດ້ານ ຊຸກຍູ້ການຄ້າສາກົນໃຫ້ມີການພັດທະນາດ້ວຍຄຸນນະພາບສູງ ແລະອຳນວຍຄວາມສະດວກໃຫ້ການເຄື່ອນໄຫວເສດຖະກິດທີ່ຖືພາຍໃນເປັນຫຼັກແລະສາກົນຊ່ວຍຊູຍູ້ໜູນກັນໃຫ້ສາມາດເຊື່ອມຈອດກັນ. ຈີນຍິນດີຮ່ວມແຮງຮ່ວມໃຈກັບປະເທດຕ່າງໆໃນໂລກ, ປະຕິບັດຕາມລັດທິຫຼາຍຝ່າຍຢ່າງແທ້ຈິງ, ຊຸກຍູ້ການສ້າງເສດຖະກິດໂລກທີ່ມີລະດັບສູງແລະເປີດປະຕູ.
ງານວາງສະແດງແລະຊື້ຂາຍສິນຄ້າຂາເຂົ້າຂາອອກຈີນຄັ້ງທີ 130 ໄດ້ໄຂຂຶ້ນຢູ່ນະຄອນກວາງໂຈ່ ແຂວງກວາງຕຸ້ງປະເທດຈີນໃນວັນທີ 14 ຕຸລານີ້ ໂດຍມີຫົວຂໍ້ຫຼັກທີ່ວ່າ“ຊຸກຍູ້ການເຄື່ອນໄຫວເສດກິດທີ່ຖືພາຍໃນເປັນຫຼັກແລະສາກົນຊ່ວຍຊູຍູ້ໜູນກັນ” ເຊິ່ງແມ່ນກະຊວງການຄ້າຈີນແລະອົງການປົກຄອງປະຊາຊົນແຂວງກວາງຕຸ້ງເປັນເຈົ້າພາບຮ່ວມກັນ.
ຄຳເຫັນ
0