ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມຂ່າວCRI:ວັນທີ 13 ຕຸລານີ້, ທ່ານຈອນ ໂຄດ, ຮອງປະທານຄະນະກຳມະການໂອລິມປິກສາກົນໄດ້ກ່າວໃນກອງປະຊຸມຂ່າວວ່າ: ຄະນະກຳມະການໂອລິມປິກສາກົນຈະບໍ່ນຳໃຊ້ອັນທີ່ເອີ້ນວ່າ “ບົດລາຍງານດ້ານສິດທິມະນຸດ” ເພື່ອກົດດັນຈີນທີ່ເຊິ່ງເປັນເຈົ້າພາບຈັດງານກິລາໂອລິມປິກລະດູໜາວປີ 2022, ຍ້ອນວ່າການອອກຄຳສັ່ງໃດໆຕໍ່ປະເທດທີ່ມີອະທິປະໄຕແລະຜືນແຜ່ນດິນອັນຄົບຖ້ວນບໍ່ຢູ່ໃນຂອບເຂດອຳນາດຂອງຄະນະກຳມະການໂອລິມປິກ, ການຄັດຄ້ານການຈັດງານກິລາໂອລິມປິກລະດູໜາວປັກກິ່ງຂອງປະເທດໃດໆລ້ວນແຕ່ບໍ່ມີຄວາມໝາຍ.
ກ່ຽວກັບເລື່ອງນີ້, ທ່ານຈ້າວລີ້ຈ່ຽນ, ໂຄສົກກະຊວງການຕ່າງປະເທດຈີນກ່າວໃນກອງປະຊຸມຂ່າວທີ່ໄດ້ຈັດຂຶ້ນໃນຕອນບ່າຍວັນທີ 14 ຕຸລານີ້ວ່າ: ພວກເຮົາຂໍສະແດງຄວາມຊົມເຊີຍຕໍ່ທ່າທີຂອງຄະນະກຳມະການໂອລິມປິກ. ຈີນຍິນດີຮ່ວມກັນກັບປະຊາຄົມໂລກຄັດຄ້ານການຫັນກິລາເປັນບັນຫາການເມືອງ, ຄວນຮ່ວມກັນສະແດງນ້ຳໃຈໂອລິມປິກທີ່ມີຄວາມສາມັກຄີໃຫ້ຫຼາຍກວ່າເກົ່າ, ເດີນໄປສູ່ອະນາຄົດທີ່ຮ່ວມມືກັນບົນພື້ນຖານການຊ່ວຍເຫຼືອເຊິ່ງກັນແລະກັນແລະຮ່ວມທຸກຮ່ວມສຸກນຳກັນ. ຈີນມີຄວາມໝັ້ນໃຈວ່າສາມາດຈັດງານມະຫະກຳກິລາໂອລິມປິກທີ່ໜ້າຊົມ, ປອດໄພແລະມ່ວນຊື່ນໃຫ້ກັບທົ່ວໂລກໄດ້.
ຄຳເຫັນ
0