ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ກົມການບິນອະວະກາດແຫ່ງຊາດຈີນໄດ້ແຈ້ງຂ່າວວ່າ: ເວລາ 18 ໂມງ 51 ນາທີຂອງວັນທີ 14 ຕຸລານີ້, ຈີນໄດ້ສົ່ງດາວທຽມທົດລອງເຕັກນິກວິທະຍາສາດກ່ຽວກັບການສຳຫຼວດດວງຕາເວັນໜ່ວຍທຳອິດຊື່ວ່າ “ຊີ່ເຮີຮ້າວ” ຢ່າງສຳເລັດຜົນ ດ້ວຍຈະຫຼວດສົ່ງຍານ ຊາງເຈີ່ນ 2 D ຈາກສູນສົ່ງດາວທຽມທ້າຍຢວນ.
ດວງທຽມດວງດັ່ງກ່າວ ຈະຍົກສູງຄວາມສາມາດຄົ້ນຄວ້າຂົງເຂດຟິຊິກສາດຂອງຈີນກ່ຽວກັບດວງຕາເວັນໄດ້ຢ່າງຫຼວງຫຼາຍ, ເຊິ່ງມີຄວາມໝາຍສຳຄັນຕໍ່ການພັດທະນາເຕັກນິກສຳຫຼວດວັດແທກວິທະຍາສາດອະວະກາດແລະເຕັກນິກດາວທຽມຂອງຈີນ. ການສົ່ງດາວທຽມ “ຊີ່ເຮີຮ້າວ” ຂຶ້ນສູ່ອະວະກາດຢ່າງສຳເລັດຜົນ, ເປັນການບຸກທະລຸໃນດ້ານການສຳຫຼວດວັດແທກຂອງຈີນກ່ຽວກັບດວງຕາເວັນ, ເຊິ່ງເປັນຂີດໝາຍສະແດງໃຫ້ເຫັນວ່າ, ຈີນໄດ້ກ້າວເຂົ້າຍຸກ “ສຳຫຼວດດວງຕາເວັນ” ຢ່າງເປັນທາງການແລ້ວ.
ຂ່າວແຈ້ງວ່າ, ແຜນການ “ສຳຫຼວດດວງຕາເວັນ”ໃນໄລຍະຕໍ່ໄປຂອງຈີນກໍພວມຊຸກຍູ້ແລະປະຕິບັດວຽກງານຢູ່. ປັດຈຸບັນນີ້, ຈີນໄດ້ວາງແຜນການສຳຫຼວດ ດວງຕາເວັນສອງໂຄງການ ຄື: “ຊີ່ເຮີ”ກັບ “ຄວ້າຟູ້”ແລ້ວ.
ຄຳເຫັນ
0