ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 16 ຕຸລາ ແມ່ນວັນສະບຽງອາຫານຂອງໂລກ. ຍ້ອນໄດ້ຮັບຜົນກະທົບຈາກການແຜ່ລະບາດຂອງພະຍາດໂຄວິດ-19 ແລະອື່ນໆ, ປະຊາກອນໃນທົ່ວໂລກທີ່ຂາດແຄນສະບຽງອາຫານໄດ້ເພີ່ມຂຶ້ນຢ່າງຫຼວງຫຼາຍ, ໃນທົ່ວໂລກມີປະຊາກອນປະມານ 10% ພວມປະເຊີນກັບຄວາມອຶດຫິວ. ໃນຫຼາຍປີມານີ້, ຈີນໄດ້ໃຊ້ຫຼາຍຊ່ອງທາງ ເພື່ອຊ່ວຍເຫຼືອປະເທດພວມພັດທະນາຍົກສູງຄວາມສາມາດໃນການຜະລິດກະສິກຳ.
ນັບແຕ່ອົງການອາຫານແລະການກະເສດຂອງ ສປຊ ຫຼື FAO ດຳເນີນການຮ່ວມມືໃຕ້ໃຕ້ແຕ່ປີ 1996 ເປັນຕົ້ນມາ, ນັບມາຮອດປັດຈຸບັນ, ຈີນໄດ້ສົ່ງຜູ້ຊ່ຽວຊານແລະພະນັກງານວິຊາການດ້ານກະສິກຳເກືອບ 1100 ທ່ານໄປສູ່ 40 ກວ່າປະເທດແລະເຂດແຄວ້ນ ເປັນຕົ້ນ: ອາຟຣິກາ, ອາຊີ, ປາຊີຟິກໃຕ້ ແລະທະເລກາຣິເບ ເຊິ່ງໄດ້ກວມເອົາຈຳນວນປະເທດໃນການຮ່ວມມືໃຕ້ໃຕ້ 47% ແລະຈຳນວນພະນັກງານໄດ້ກວມເອົາຍອດຈຳນວນພະນັກງານທີ່ສົ່ງໄປເຂົ້າຮ່ວມການຮ່ວມມືໃຕ້ໃຕ້ 60%. ພາຍໃຕ້ຂອບອົງການອາຫານແລະການກະເສດຂອງ ສປຊ, ຜູ້ຊ່ຽວຊານຈີນໄດ້ສາທິດແລະເຜີຍແຜ່ເຕັກນິກກະສິກຳຫຼາຍກວ່າ 1000 ລາຍການໃນຂົງເຂດການຜະລິດພືດພັນທັນຍາຫານ, ການລ້ຽງສັດແລະສິນໃນນ້ຳ, ຊົນລະປະທານ, ການປຸງແຕ່ງຜະລິດຕະພັນກະສິກຳແລະອື່ນໆຢູ່ຫຼາຍປະເທດ, ສະເລ່ຍແລ້ວໄດ້ເພີ່ມຜົນຜະລິດພືດພັນທັນຍາຫານຢູ່ເຂດໂຄງການເຖິງ 30% ຫາ 60%, ມີຊາວກະສິກອນປະມານ 1 ແສນຄົນຢູ່ປະເທດເຫຼົ່ານີ້ໄດ້ຮັບການອົບຮົມເຕັກນິກໃນການຜະລິດຕົວຈິງ.
ປີ 2020, ຍ້ອນໄດ້ຮັບຜົນກະທົບຈາກຕັກແຕນ, ຈີນໄດ້ຊ່ວຍເຫຼືອຢາຂ້າສັດຕູພືດມາລາທີອອນ (Malathion) 400 ກວ່າໂຕນ, ເຄື່ອງພົ່ນຢາແບບເປ້ 2000 ກວ່າໜ່ວຍ, ເຄື່ອງພົ່ນຢາປະລິມານໜ້ອຍແບບຈັບດ້ວຍມື 3500 ກວ່າໜ່ວຍ ພ້ອມດ້ວຍຊຸດປ້ອງກັນ, ໜ້າກາກ ແລະຖົງມື 4000 ຊຸດ ໃຫ້ແກ່ປະເທດພວມພັດທະນາ ເຊັ່ນປາກີສະຖານ, ປະເທດເອທີໂອປີ, ເຄັນຢາ, ອູກັນດາແລະອື່ນໆ. ພ້ອມກັນນັ້ນ, ຈີນໄດ້ຮ່ວມແຮງຮ່ວມໃຈກັບໂຄງການອາຫານ ສປຊ, ຊຸກຍູ້ການສ້າງສາງແລະສູນຂົນສົ່ງເຄື່ອງ ເພື່ອຮັບມືສຸກເສີນດ້ານມະນຸດສະທຳຢູ່ຈີນຢ່າງມີປະສິດທິພາບສູງ ເພື່ອໃຫ້ການສະໜັບສະໜູນແກ່ການກອບກູ້ຊ່ວຍເຫຼືອດ້ານມະນຸດສະທຳແລະການຂົນສົ່ງວັດຖຸອຸປະກອນການຕ້ານພະຍາດສາກົນ.
ຄຳເຫັນ
0