ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕອນບ່າຍວັນທີ 15 ຕຸລານີ້,ຢູ່ນະຄອນຫຼວງປັກກິ່ງ ສປ ຈີນ, ທ່ານນາງເຜີງລີ້ຢວນ ພັນລະຍາຂອງທ່ານສີຈິ້ນຜິງ ປະທານປະເທດຈີນ, ທູດພິເສດເພື່ອສົ່ງເສີມການສຶກສາເດັກຍິງແລະແມ່ຍິງຂອງອົງການການສຶກສາວິທະຍາສາດແລະວັດທະນະທຳ ສະຫະປະຊາຊາດຫຼືອຸຍເນັສໂກໄດ້ກ່າວຄຳປາໄສໃນພິທີມອບລາງວັນການສຶກສາເດັກຍິງແລະແມ່ຍິງຂອງອົງການອຸຍເນັສໂກປີ2021ຜ່ານທາງວິດີໂອໂດຍຕອບສະໜອງຕາມຄຳເຊີນ.
ກ່ອນອື່ນ, ທ່ານນາງເຜີງລີ້ຢວນໄດ້ສະແດງຄວາມຊົມເຊີຍຕໍ່ຜູ້ໄດ້ຮັບລາງວັນທີ່ມາຈາກບຣາຊີນແລະໂມຊຳບິກ, ທ່ານນາງກ່າວວ່າ: ນັບຕັ້ງແຕ່ຈີນຮ່ວມມືກັບອົງການອຸຍເນັສໂກສ້າງຕັ້ງລາງວັນການສຶກສາເດັກຍິງແລະແມ່ຍິງໃນປີ2015ເປັນຕົ້ນມາ, ລາງວັນນີ້ໄດ້ເສີມຂະຫຍາຍບົດບາດອິດທິພົນຢ່າງຕັ້ງໜ້າ, ໄດ້ກະຕຸກຊຸກຍູ້ໃຫ້ຄົນທັງຫຼາຍມີສ່ວນຮ່ວມໃນພາລະກິດການສຶກສາເດັກຍິງແລະແມ່ຍິງຫຼາຍກວ່າເກົ່າ. ຈີນແລະອົງການອຸຍເນັສໂກເປີດໂຄງການຮ່ວມມືດ້ານລາງວັນການສຶກສາເດັກຍິງແລະແມ່ຍິງໄລຍະທີ 2 ເປັນຈຸດເລີ່ມຕົ້ນອັນໃໝ່,ເຊິ່ງຈະເພີ່ມພະລັງແຮງໃໝ່ເຂົ້າໃນການຊຸກຍູ້ພາລະກິດການສຶກສາເດັກຍິງແລະແມ່ຍິງ. ຫວັງວ່າ ປະຊາຄົມໂລກຈະໃຫ້ຄວາມເອົາໃຈໃສ່ແລະສະໜັບສະໜູນການສຶກສາເດັກຍິງແລະແມ່ຍິງໃຫ້ຫຼາຍກວ່າເກົ່າ ເພື່ອປະກອບສ່ວນອັນໃໝ່ເຂົ້າໃນການບັນລຸເປົ້າໝາຍການພັດທະນາແບບຍືນຍົງ ປີ2030ຂອງອົງການສະຫະປະຊາຊາດ.
ທ່ານນາງໂອເດຣ ອາຈູໄລ ຜູ້ອຳນວຍການໃຫຍ່ອົງການອຸຍເນັສໂກໄດ້ປະກອບຄຳເຫັນວ່າ:ລາງວັນການສຶກສາເດັກຍິງແລະແມ່ຍິງທີ່ລັດຖະບານຈີນໃຫ້ການສະໜັບສະໜູນສ້າງຕັ້ງຂຶ້ນນັ້ນໄດ້ຫວ່ານແນວພັນແຫ່ງຄວາມຫວັງ, ເຊິ່ງໄດ້ເສີມຂະຫຍາຍບົດບາດພິເສດໃນການຊ່ວຍແມ່ຍິງແລະເດັກນ້ອຍບັນລຸຄວາມໃຝ່ຝັນຂອງຕົນໂດຍສະເພາະໃນການຮັບມືກັບສິ່ງທ້າທາຍຈາກສະພາບການແຜ່ລະບາດຂອງພະຍາດໂຄວິດ-19. ຂໍຂອບໃຈນຳລັດຖະບານຈີນທີ່ໄດ້ສືບຕໍ່ລົງທຶນແລະເປີດໂຄງການລາງວັນການສຶກສາເດັກຍິງແລະແມ່ຍິງໄລຍະທີ2, ຂໍຂອບໃຈນຳທ່ານສາສະດາຈານເຜີງລີ້ຢວນທີ່ໃຫ້ການສະໜັບສະໜູນຢ່າງເດັດກ່ຽວແລະເຂັ້ມແຂງ.
ຄຳເຫັນ
0