ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 16 ຕຸລານີ້ແມ່ນວັນສະບຽງອາຫານໂລກ, ທ່ານ ອັນໂທນິໂອ ກູເຕີເຣັສ, ເລຂາທິການໃຫຍ່ອົງການສະຫະປະຊາຊາດໄດ້ກ່າວຄຳປາໄສຜ່ານທາງວິດີໂອ, ໂດຍຮຽກຮ້ອງໃຫ້ຊຸກຍູ້ຄວາມປອດໄພດ້ານສະບຽງອາຫານໂດຍຜ່ານການປ່ຽນການກະທຳ.
ທ່ານກູເຕີເຣັສຊີ້ອອກວ່າ, ມີ 3 ຕື້ຄົນທີ່ກວມປະຊາກອນປະມານ 40% ຂອງທົ່ວໂລກ ບໍ່ສາມາດໄດ້ຮັບອາຫານແລະນ້ຳດື່ມທີ່ສະອາດ. ປະຊາກອນທີ່ອຶດຫິວແລະຂາດທາດບຳລຸງກຳລັງເພີ່ມຂຶ້ນ, ພ້ອມກັນນັ້ນ, ປະຊາກອນທີ່ເປັນພະຍາດຕຸ້ຍກໍ່ພວມເພີ່ມຂຶ້ນ. ການແຜ່ລະບາດຂອງພະຍາດໂຄວິດ-19 ເຮັດໃຫ້ສະພາບການດັ່ງກ່າວຮ້າຍແຮງຂຶ້ນຕື່ມ, ປະຊາກອນອຶດຫິວໄດ້ເພີ່ມຂຶ້ນ 140 ລ້ານຄົນ. ຂະນະດຽວກັນ, ຮູບແບບການຜະລິດແລະບໍລິໂພກສະບຽບອາຫານແລະການກິນອາຫານແບບຟູມເຟືອຍກຳລັງສ້າງຜົນເສຍຫາຍຢ່າງໜັກໜ່ວງໃຫ້ໂລກ, ສ້າງແຮງກົດດັນໃຫ້ແກ່ຊັບພະຍາກອນທຳມະຊາດ, ດິນຟ້າອາກາດແລະສິ່ງແວດລ້ອມທຳມະຊາດ ທີ່ບໍ່ເຄີຍມີມາກ່ອນໃນປະຫວັດສາດ, ແລະໄດ້ສ້າງຜົນເສຍຫາຍຫຼາຍພັນຕື້ໂດລາສະຫະລັດໃນແຕ່ລະປີ.
ທ່ານກູເຕີເຣັສກ່າວຕື່ມວ່າ, ທຸກຄົນກໍ່ສາມາດຫັນປ່ຽນຮູບແບບການບໍລິໂພກສະບຽງອາຫານແລະທຳການຄັດເລືອກທີ່ດີຕໍ່ສຸຂະພາບຫຼາຍກວ່າເກົ່າ, ເຊິ່ງບໍ່ພຽງແຕ່ມີຜົນດີຕໍ່ຕົວເອງ, ກໍ່ມີຜົນດີຕໍ່ໂລກເຊັ່ນກັນ. ທ່ານຮຽກຮ້ອງໃຫ້ຄົນທັງຫຼາຍຈົ່ງເຄື່ອນໄຫວໃນທັນທີ, ປ່ຽນແປງການກະທຳຂອງຕົນ, ເພື່ອເຮັດໃຫ້ລະບົບສະບຽງອາຫານສາມາດຮັບປະກັນທາດທຳລຸງ, ສິ່ງແວດລ້ອມແລະການດຳລົງຊີວິດທີ່ດີກວ່າເກົ່າ, ເພື່ອບັນລຸເປົ້າໝາຍການພັດທະນາແບບຍືນຍົງ.
ຄຳເຫັນ
0