ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 18 ຕຸລານີ້, ກອງປະຊຸມລັດຖະມົນຕີກະຊວງພະລັງງານ “ໜຶ່ງແລວໜຶ່ງເສັ້ນທາງ” ຄັ້ງທີ 2 ທີ່ມີຫົວຂໍ້ວ່າ “ຮ່ວມກັນກ້າວເຂົ້າສູ່ອະນາຄົດດ້ານພະລັງງານສີຂຽວ ແລະເປີດໃຈຍອມຮັບກວ່າເກົ່າ”ໄດ້ໄຂຂຶ້ນຢູ່ນະຄອນຊີ່ງຕາວແຂວງຊ່ານຕົ່ງ ສປ ຈີນ. ພາຍໃນເວລາ 2 ວັນ, ລັດຖະມົນຕີກະຊວງພະລັງງານທີ່ມາຈາກ 28 ປະເທດ, ທູຕານຸທູດປະຈຳຈີນຂອງ 18 ປະເທດ ແລະຜູ້ຮັບຜິດຊອບອົງການຈັດຕັ້ງສາກົນ 9 ແຫ່ງໄດ້ເຂົ້າຮ່ວມກອງປະຊຸມດ້ວຍຮູບແບບອອນລາຍ ຫລືອອຟລາຍ, ໂດຍຈະປຶກສາຫາລືຢ່າງລົງເລິກ, ເພື່ອເພີ່ມທະວີຄວາມຮັບຮູ້ທີ່ເປັນເອກະພາບກັນ, ຊຸກຍູ້ໃຫ້ບັນດາປະເທດ ສ້າງຕາໜ່າງສາຍພົວພັນຄູ່ຮ່ວມມືທີ່ແໜ້ນແຟ້ນກວ່າເກົ່າພາຍໃຕ້ການຮ່ວມກັນສ້າງ “ໜຶ່ງແລວໜຶ່ງເສັ້ນທາງ”, ທັງຄົ້ນຄວ້າເສັ້ນທາງພັດທະນາທີ່ຕ່າງຝ່າຍຕ່າງມີຜົນປະໂຫຍດໃນການຮ່ວມກັນຮັບມືກັບສິ່ງທ້າທ້າຍດ້ານການຫັນປ່ຽນຮູບແບບການພັດທະນາດ້ານພະລັງງານ ແລະຄວາມໝັ້ນຄົງດ້ານພະລັງງານ.
ໃນກອງປະຊຸມ, ຂໍ້ລິເລີ່ມນະຄອນຊີ່ງຕາວວ່າດ້ວຍການຮ່ວມມືດ້ານພະລັງງານສີຂຽວ “ໜຶ່ງແລວໜຶ່ງເສັ້ນທາງ”ໄດ້ປະກາດຢ່າງເປັນທາງການ, ໂດຍຮຽກຮ້ອງໃຫ້ຝ່າຍຕ່າງໆເຄື່ອນໄຫວຢ່າງເປັນເອກະພາບກັນ, ສະໜັບສະໜູນປະເທດພວມພັດທະນາໃຫ້ພັດທະນາພະລັງງານຕາມທິດສີຂຽວ ແລະກາກບອນຕ່ຳ, ວາງແຜນການພັດທະນາ ແລະເປົ້າໝາຍດ້ານພະລັງງານສີຂຽວທີ່ສູງກວ່າເກົ່າ, ປັບປຸງຄວາມໜ້າໄວ້ວາງໃຈ ແລະຄວາມເຂັ້ມແຂງດ້ານການສະໜອງພະລັງງານໃຫ້ດີກວ່າເກົ່າ, ສ້າງສະພາບແວດລ້ອມທີ່ເອື້ອອຳນວຍທີ່ສາມາດດຶງດູດການລົງທຶນເຂົ້າຂົງເຂດພະລັງງານສີຂຽວໃຫ້ຫລາຍກວ່າເກົ່າ.
ຄຳເຫັນ
0