ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ສື່ມວນຊົນ ສ.ເກົາຫຼີ ໄດ້ລາຍງານວ່າ: ເຈົ້າໜ້າທີ່ກະຊວງການຕ່າງປະເທດ ສ.ເກົາຫຼີ ໄດ້ກ່າວໃນວັນທີ 18 ຕຸລານີ້ວ່າ: ກ່ຽວກັບທັດສະນະຂອງທ່ານຟູມິໂອ ກິຊິດະ ນາຍົກລັດຖະມົນຕີຍີ່ປຸ່ນທີ່ກ່າວໃນວັນທີ 17 ຕຸລານີ້ ກ່ຽວກັບບັນຫາການ
ປ່ອຍນ້ຳປົນເປື້ອນລັງສີນິວເຄຼຍຂອງແຂວງຟູຄູຊິມະລົງສູ່ທະເລ, ສ.ເກົາຫຼີ ເດັດດຽວຄັດຄ້ານການກະທຳດັ່ງກ່າວຂອງຍີ່ປຸ່ນ.
ເຈົ້າໜ້າທີ່ທ່ານນີ້ກ່າວວ່າ: ຍີ່ປຸ່ນໄດ້ຕົກລົງຈະປ່ອຍນ້ຳປົນເປື້ອນລັງສີນິວເຄຼຍລົງສູ່ທະເລພາຍໃຕ້ສະພາບການທີ່ບໍ່ໄດ້ປຶກສາຫາລືກັບປະເທດອ້ອມຂ້າງຢ່າງເຕັມສ່ວນ ເຊິ່ງຈະສົ່ງຜົນກະທົບຕໍ່ສຸຂະພາບແລະຄວາມປອດໄພຂອງປະຊາຊົນ ສ.ເກົາຫຼີ ພ້ອມດ້ວຍສິ່ງແວດລ້ອມຂອງທະເລ. ເຈົ້າໜ້າທີ່ທ່ານນີ້ກ່າວເນັ້ນວ່າ: ລັດຖະບານ ສ.ເກົາຫຼີ ຈະຖືເອົາສຸຂະພາບແລະຄວາມປອດໄພຂອງປະຊາຊົນເປັນສິ່ງສຳຄັນ, ເດັດດຽວຄັດຄ້ານການຊຸກຍູ້ການປ່ອຍນ້ຳປົນເປື້ອນລັງສີນິວເຄຼຍລົງສູ່ທະເລແຕ່ຝ່າຍດຽວຂອງຍີ່ປຸ່ນ, ແລະຈະຮ່ວມມືກັບອົງການປະລະມານູສາກົນແລະປະຊາຄົມໂລກ ເພື່ອກວດກາຂະບວນການແກ້ໄຂນ້ຳປົນເປື້ອນລັງສີນິວເຄຼຍຂອງຍີ່ປຸ່ນຢ່າງປອດໃສແລະເຖິງຖອງ.
ຄຳເຫັນ
0