ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ອົງການກອງທຶນເງິນຕາສາກົນຫຼື IMF ໄດ້ເປີດເຜີຍບົດລາຍງານການຈ້ອງເບິ່ງເສດຖະກິດໂລກສະບັບຫຼ້າສຸດໂດຍໄດ້ຄາດຄະເນວ່າ: GDP ຂອງຈີນໃນປີ 2021 ຈະເຕີບໂຕ 8%, ຕໍ່ເລື່ອງນີ້, ໂຄສົກອົງການສະຖິຕິແຫ່ງຊາດຈີນກ່າວໃນວັນທີ 18 ຕຸລານີ້ວ່າ: ການຄາດຄະເນທີ່ກ່ຽວຂ້ອງໄດ້ສະແດງໃຫ້ເຫັນວ່າ:ປະຊາຄົມໂລກໄດ້ເຫັນໄປໃນແງ່ດີຕໍ່ອະນາຄົດການເຕີບໂຕຂອງເສດຖະກິດຈີນ,ທັງໄດ້ສະແດງໃຫ້ເຫັນວ່າເສດຖະກິດຈີນມີແຮງຕ້ານທານທີ່ເຂັ້ມແຂງແລະຄວາມສາມາດບົ່ມຊ້ອນອັນໃຫຍ່ຫຼວງ.
ຍ້ອນໄດ້ຮັບຜົນກະທົບຈາກການແຜ່ລະບາດຂອງພະຍາດໂຄວິດ-19 ທີ່ເກີດຂຶ້ນຊ້ຳແລ້ວຊ້ຳອີກ,ລາຄາສິນຄ້າຂະໜາດໃຫຍ່ໄດ້ເພີ່ມຂຶ້ນ, ລາຄາການຂົນສົ່ງທາງທະເລໃນສາກົນຖີບສູງຂຶ້ນ,ການຂາດແຄນແຮງງານ, ການສະໜອງຊີ້ນສ່ວນອາໄຫຼ່ທີ່ສຳຄັນບໍ່ພຽງພໍແລະປັດໄຈອື່ນໆ, ການຟື້ນຟູເສດຖະກິດໂລກຢູ່ໃນສະພາບຊັກຊ້ານັບແຕ່ໄຕມາດທີ 3 ເປັນຕົ້ນມາ. ຂະນະດຽວກັນ,ລະດັບເງິນເຟີ້ຂອງກຸ່ມເສດຖະກິດທີ່ສຳຄັນກໍສູງຂຶ້ນຢ່າງຕໍ່ເນື່ອງ,ເຊິ່ງໄດ້ເພີ່ມຄວາມອາດເປັນໄປໄດ້ໃນການປ່ຽນແປງນະໂຍບາຍຂອງກຸ່ມເສດຖະກິດເຫຼົ່ານີ້,ໄດ້ກະທົບຕໍ່ການຟື້ນຟູເສດຖະກິດໂລກໃນລະດັບໃດໜຶ່ງ. ອົງການກອງທຶນເງິນຕາສາກົນໄດ້ຄາດຄະເນຫຼ້າສຸດໃນຫວ່າງມໍ່ໆນີ້ວ່າ: ຈະປັບຫຼຸດຈັງຫວະການເຕີບໂຕຂອງເສດຖະກິດໃນປີນີ້ຈາກ 6% ຕາມການຄາດຄະເນເທື່ອແລ້ວນີ້ລົງເປັນ 5,9%. ໃນນັ້ນ,ຈັງຫວະການເຕີບໂຕດ້ານເສດຖະກິດຂອງປະເທດທີ່ພັດທະນາແລ້ວຈາກ 5,6% ຕາມການຄາດຄະເນໃນເມື່ອກ່ອນຈະຫຼຸດລົງເປັນ 5,2%,ນີ້ໄດ້ສ່ອງແສງໃຫ້ເຫັນເຖິງຄວາມເປັນຫ່ວງຕໍ່ສະພາບປ່ຽນແປງຂອງເສດຖະກິດໂລກ. ສ່ວນເສດຖະກິດຈີນເຖິງວ່າກໍໄດ້ມີການປັບຫຼຸດລົງ 0,1% ເມື່ອທຽບໃສ່ເທື່ອແລ້ວນີ້ກໍຕາມ,ແຕ່ຍັງສາມາດຮັກສາຈັງຫວະຂອງການເຕີບໂຕທີ່ສູງຄືປະມານ 8%.
ຄຳເຫັນ
0