ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 18 ຕຸລານີ້, ສື່ມວນຊົນມຽນມາໄດ້ອ້າງອີງຕາມຄຳເວົ້າຂອງທ່ານ ທີອອງ ລັດຖະມົນຕີກະຊວງທ່ອງທ່ຽວມຽນມານຳມາລາຍງານວ່າ: ພາກສ່ວນດັ່ງກ່າວພວມວາງແຜນການຕາມມາດຕະການດ້ານການປ້ອງກັນແລະຄວບຄຸມພະຍາດໂຄວິດ-19 ຢ່າງເຄັ່ງຄັດ,ໂດຍຈະເປີດບໍລິການດ້ານການທ່ອງທ່ຽວສຳລັບນັກທ່ອງທ່ຽວຕ່າງປະເທດຄືນໃໝ່ໃນໄຕມາດທີໜຶ່ງຂອງປີ 2022, ເຊິ່ງການເປີດບໍລິການໄລຍະທຳອິດນີ້ມີເປົ້າໝາຍແມ່ນນັກທ່ອງທ່ຽວປະເທດອາຊຽນ.
ທ່ານ ທີອອງ ກ່າວວ່າ: ພາກສ່ວນການທ່ອງທ່ຽວຂອງມຽນມາພວມປຶກສາຫາລືແຜນການແກ້ໄຂການທ່ອງທ່ຽວຟອງສະບູ່ກັບຝ່າຍໄທ,ຂະນະດຽວກັນກໍ່ມີແຜນຈະເປີດບໍລິການຂະແໜງການທ່ອງທ່ຽວໄລຍະທຳອິດສຳລັບນັກທ່ອງທ່ຽວຫວຽດນາມ,ລາວແລະກຳປູເຈຍໃນໄຕມາດທີໜຶ່ງຂອງປີ 2022, ຄາດວ່າຈະຕ້ອນຮັບນັກທ່ອງທ່ຽວ 3 ແສນຄົນໃນໄລຍະນີ້.
ຂ່າວແຈ້ງວ່າ: ມຽນມາໄດ້ຢຸດຕິການອອກວີຊ່າໃຫ້ກັບຄົນຕ່າງປະເທດມາໂດຍຕະຫຼອດນັບແຕ່ເດືອນມີນາປີ 2020 ຈົນຮອດປັດຈຸບັນນີ້,ພ້ອມທັງໄດ້ເກືອດຫ້າມເຮືອບິນໂດຍສານສາກົນເຂົ້າແດນມຽນມາ.
ຄຳເຫັນ
0