ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 18 ຕຸລານີ້, ທ່ານຮານເຈີ້ງ ກຳມະການປະຈຳກົມການເມືອງສູນກາງພັກກອມມູນິດຈີນ, ຮອງນາຍົກລັດຖະມົນຕີຈີນໄດ້ເຂົ້າຮ່ວມກອງປະຊຸມລັດຖະມົນຕີກະຊວງພະລັງງານ “ໜຶ່ງແລວໜຶ່ງເສັ້ນທາງ” ຄັ້ງທີ 2 ແລະກ່າວຄຳປາໄສ ຜ່ານທາງວີດີໂອ.
ທ່ານຮານເຈີ້ງກ່າວວ່າ: ພາຍໃຕ້ສະພາບການຮັບມືກັບວິກິດການປ່ຽນແປງຂອງດິນຟ້າອາກາດ, ຄວນກຳແໜ້ນໂອກາດ, ເຕົ້າໂຮມຄວາມເຫັນທີ່ເປັນເອກະພາບກັນ, ຮ່ວມກັນຊຸກຍູ້ການສະໜອງພະລັງງານຂອງປະເທດຢູ່ລຽບຕາມ “ໜຶ່ງແລວໜຶ່ງເສັ້ນທາງ” ໃຫ້ພັດທະນາໄປຕາມທິດທາງທີ່ມີປະສິດທິຜົນສູງ, ສະອາດແລະມີຫຼາຍແຫຼ່ງ ເພື່ອກ້າວໄປສູ່ອະນາຄົດການໃຊ້ພະລັງງານຕາມທິດສີຂຽວແລະເປີດໃຈຍອມຮັບກວ່າເກົ່າ. ທ່ານໄດ້ສະເໜີຂໍ້ສະເໜີ 4 ຂໍ້, ຄື: ໜຶ່ງ, ຮ່ວມກັນຊຸກຍູ້ການຫັນເປັນພະລັງງານສີຂຽວແລະກາກບອນຕ່ຳ, ລົງເລິກການຮ່ວມມືໃນຂົງເຂດພະລັງໄຟຟ້ານິວເຄຼຍ, ການຜະລິດໄຟຟ້າດ້ວຍພະລັງງານໃໝ່ ແລະພະລັງງານອັດສະລິຍະ, ຮ່ວມກັນສ້າງເສັ້ນທາງສາຍໄໝແບບສີຂຽວ. ສອງ, ຮ່ວມກັນຊຸກຍຸ້ການປະດິດສ້າງໃໝ່ດ້ານເຕັກນິກພະລັງງານ, ຮ່ວມກັນຄົ້ນຄວ້າແລະນຳໃຊ້ເຕັກນິກພະລັງງານສະອາດ ເຊັ່ນ: ການປະຢັດພະລັງງານແລະຫຼຸດການປ່ອຍກາດບອນໃຫ້ໜ້ອຍລົງ, ພະລັງງານໝູນວຽນ, ພະລັງງານນິວເຄຼຍທີ່ກ້າວໜ້າແລະອື່ນໆ, ແກ້ໄຂບັນຫາການຜູກຂາດດ້ານຊັບພະຍາກອນພະລັງງານດ້ວຍຄວາມກ້າວໜ້າຂອງເຕັກນິກ. ສາມ, ຮ່ວມກັນຊຸກຍູ້ການພັດທະນາພະລັງງານແບບຍືນຍົງ, ເພີ່ມທະວີການຮ່ວມມືດ້ານການເຂົ້າເຖິງພະລັງງານ, ຊ່ວຍເຫຼືອປະເທດພວມພັດທະນາຍົກສູງຄວາມສາມາດແລະລະດັບການຮັບປະກັນດ້ານພະລັງງານ. ສີ່, ຮ່ວມກັນຊຸກຍູ້ການພັດທະນາພະລັງງານແບບເປີດໃຈຍອມຮັບ, ເຄົາລົບສິດຂອງປະເທດຕ່າງໆໃນການຄັດເລືອກຍຸດທະສາດແຫ່ງການພັດທະນາພະລັງງານດ້ວຍຕົນເອງ.
ຄຳເຫັນ
0