ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ກ່ຽວກັບເລື່ອງທີ່ອາເມຣິກາລິເລີ່ມໃຫ້ຈັດກອງປະຊຸມສຸດຍອດປະຊາທິປະໄຕ, ທ່ານ ເຊີເກ ລັຟລົຟ ລັດຖະມົນຕີກະຊວງການຕ່າງປະເທດຣັດເຊຍກ່າວໃນຫວ່າງກ່ອນນີ້ບໍ່ດົນວ່າ: ອາເມຣິກາຍ່ອມຈະເຊື້ອເຊີນປະເທດປະຊາທິປະໄຕທີ່ຕົນເອງຮັບຮອງ,ທາດແທ້ກໍ່ແມ່ນການແບ່ງປະຊາຄົມໂລກອອກເປັນສອງກຸ່ມທີ່ເປັນປໍລະປັກກັນດ້ວຍແນວຄິດສົງຄາມເຢັນ. ຕໍ່ເລື່ອງນີ້, ທ່ານ ວ່າງເວີນປິ່ນ ໂຄສົກກະຊວງການຕ່າງປະເທດຈີນກ່າວໃນກອງປະຊຸມຂ່າວທີ່ຈັດຂຶ້ນໃນວັນທີ 19 ຕຸລານີ້ວ່າ: ຄຳເວົ້າຂອງທ່ານ ເຊີເກ ລັຟລົຟ ມີເຫດຜົນດີຫຼາຍ. ປະຊາທິປະໄຕບໍ່ແມ່ນຄຳຂວັນ. ບໍ່ຄວນສວຍໃຊ້ປະຊາທິປະໄຕມາປົກປິດບັນຫາທີ່ເກີດຂຶ້ນໃນການບໍລິຫານງານຂອງຕົນ,ປ່ອຍໃຫ້ປະຊາຊົນຂອງປະເທດຕົນເປັນຜູ້ຮັບກຳທີ່ໜັກໜ່ວງຍ້ອນການຈຳແນກເຊື້ອຊາດຜິວພັນ,ຄວາມຂັດແຍ້ງກັນທາງສັງຄົມ,ຄວາມແຕກໂຕນກັນລະຫວ່າງຜູ້ຮັ່ງມີກັບຜູ້ທຸກຍາກແລະບັນຫາອື່ນໆ. ປະຊາທິປະໄຕກໍ່ບໍ່ແມ່ນຄຳພີຕາຍຕົວ. ບໍ່ຄວນເບິ່ງຂ້າມຄວາມແຕກຕ່າງກັນດ້ານວັດທະນະທຳທາງປະຫວັດສາດ,ລະບອບສັງຄົມ,ແລະໄລຍະການພັດທະນາຂອງບັນດາປະເທດ,ບໍ່ຄວນຕັດຮອນສິດແລະເສລີພາບຂອງບັນດາປະເທດໃນການຄົ້ນຫາເສັ້ນທາງປະຊາທິປະໄຕຂອງປະເທດຕົນ. ປະຊາທິປະໄຕແຮ່ງບໍ່ແມ່ນຄັນຕາລະບັດໃນການຊຸກຍູ້ຄວາມເປັນເຈົ້າໂລກ. ບໍ່ຄວນສວຍໃຊ້ປະຊາທິປະໄຕ,ຮູບຖານຈິດສຳນຶກແລະຄ່ານິຍົມເປັນເຄື່ອງມືໃນການໂຈມຕີແລະກົດດັນປະເທດອື່ນແລະຊຸກຍູ້ຍຸດທະສາດພາກພື້ນ, ຍຸແຍ່ກໍ່ໃຫ້ເກີດການແບ່ງແຍກແລະການເປັນປໍລະປັກກັນໃນສາກົນ,ເຮັດໃຫ້ໂລກຖອຍຫຼັງຄືນສູ່ຍຸກສົງຄາມເຢັນທີ່ອັນຕະລາຍ.
ຄຳເຫັນ
0