ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ໃນວັນທີ 20 ຕຸລານີ້, ກະຊວງການຄ້າຈີນໄດ້ເຜີຍແຜ່ຕົວເລກສະຖິຕິກ່ຽວກັບການດຶງດູດການລົງທຶນໂດຍກົງຂອງຕ່າງປະເທດໃນຈີນໃນ 3 ໄຕມາດຂອງປີນີ້, ໂດຍຊີ້ໃຫ້ເຫັນວ່າ: ແຕ່ເດືອນມັງກອນ ຫາ ເດືອນກັນຍາປີນີ້, ຍອດຈຳນວນການລົງທຶນໂດຍກົງຂອງຕ່າງປະເທດໄດ້ບັນລຸເຖິງ 859, 51 ຕື້ຢວນ, ເພີ່ມຂຶ້ນ 19,6% ເມື່ອທຽບກັບໄລຍະດຽວກັນຂອງປີທີ່ຜ່ານມາ, ໂຄງປະກອບດ້ານການລົງທຶນຂອງຕ່າງປະເທດຢູ່ຈີນໄດ້ປັບປຸງໃຫ້ດີຂຶ້ນຢ່າງຕໍ່ເນື່ອງ.
ສິ່ງທີ່ເປັນໜ້າສົນໃຈຄື: ໂຄງປະກອບດ້ານການລົງທຶນຂອງຕ່າງປະເທດຢູ່ຈີນໄດ້ປັບປຸງໃຫ້ດີຂຶ້ນຢ່າງຕໍ່ເນື່ອງເຊິ່ງໄດ້ສະແດງໃຫ້ເຫັນວ່າ: ຈຳນວນການລົງທຶນໃນຂະແໜງການເຕັກນິກຂັ້ນສູງໄດ້ຮັກສາທ່ວງທ່າເຕີບໂຕຢ່າງວ່ອງໄວ, ການຮ່ວມມືດ້ານການລົງທຶນກັບປະເທດຢູ່ລຽບຕາມ “ໜຶ່ງແລວໜຶ່ງເສັ້ນທາງ”ໄດ້ເພີ່ມຂຶ້ນອ່າວໄວ. ຕາມຕົວເລກສະຖິຕິຂອງກະຊວງການຄ້າຈີນ, ການລົງທຶນໂດຍກົງ ຂອງປະເທດທີ່ລຽບຕາມ “ໜຶ່ງແລວໜຶ່ງເສັ້ນທາງ” ແລະປະເທດອາຊຽນໃນຈີນໃນ 3 ໄຕມາດຂອງປີນີ້ຕ່າງກໍໄດ້ເພີ່ນຂຶ້ນ 31,9% ແລະ31,4% ຕາມລຳດັບ.
ຜູ້ຊ່ຽວຊານເຫັນວ່າ: ສະພາບການພື້ນຖານດ້ານເສດຖະກິດມີຄວາມໝັ້ນທ່ຽງ ແລະມີທ່ວງທ່າທີ່ດີ, ຕ່ອງສໍ້ການຜະລິດ ແລະການສະໜອງມີຄົບຖ້ວນ ແລະສະພາບແວດລ້ອມດ້ານການດຳເນີນທຸລະກິດຢູ່ຈີນໄດ້ຮັບການປັບປຸງໃຫ້ດີຂຶ້ນຢ່າງບໍ່ຢຸດຢັ້ງໄດ້ເປັນປັດໄຈອັນຕັ້ງໜ້າໃນການດຶດດູງການລົງທຶນໂດຍກົງຂອງຕ່າງປະເທດ.
ຄຳເຫັນ
0