吴怡杏

ຕາລາງລາຍການ FM93Mhz

ດາວໂຫຼດ App CRI-FM93 ລະບົບ IOS

ດາວໂຫຼດ App CRI-FM93 ລະບົບ Android

FM93

ສ​ປ​ປ ເກົາ​ຫລີ​ກ່າວ​ວ່າ: ການ​ທົດ​ລອງ​ຍິງ​ຂີ​ປະ​ນາ​ວຸດ​ນຳ​ວິ​ຖີ​ແມ່ນ​ການ​ເຄື່ອນ​ໄຫວ​ປ້ອງ​ກັນ​ປະ​ເທດ​ທີ່​​ເປັນ​ທຳ

2021-10-21 14:52:53 cri

    ຕາມ​ການ​ລາຍ​ງານ​ຂ່າວ​ຂອງ​ສຳ​ນັກ​ຂ່າວ​ສ​ານ ສ​ປ​ປ ເກົາ​ຫລີ​ແຈ້ງ​ໃຫ້​ຮູ້​ວ່າ: ໂຄ​ສົກ​ກະ​ຊວງ​ການ​ຕ່າງ​ປ​ະ​ເທດ ສ​ປ​ປ ເກົາ​ຫລີ​ໄດ້​ຕອ​ບ​ຄຳ​ຖາມ​ຂອງ​ນັກ​ຂ່າ​ວ​ກ່ຽວ​ກັບ​​ເລື່ອງ​ທີ່ອາ​ເມ​ຣິ​ກາ​ກ່າວ​ປະ​ນາມ ສ​ປ​ປ ເກົາ​ຫລີ​ທົດ​ລອງ​ຍິງ​ຂີ​ປະ​ນາ​ວຸດ​ນຳ​ວິ​ຖີ​ຂ້າມ​ທະ​ວີບ​ແບບ​ໃໝ່ຈາກ​ເຮືອ​ດຳ​ນ້ຳ​, ໂດຍ​ກ່າວ​ວ່າ: ສະ​ຖາ​ບັ​ນ​ຄົ້ນ​ຄວ້າ​ວິ​ທະ​ຍາ​ສາດ​ປ້ອງ​ກັນ​ປະ​ເທດ ສ​ປ​ປ​ ເກົາ​ຫລີ​ໄດ້​ທົດ​ລອງ​ຍິງ​ຂີ​ປະ​ນາ​ວຸດ​ນຳ​ວິ​ຖີ​ຂ້າມ​ທະ​ວີບແບບ​ໃໝ່​ຈາກ​ເຮືອ​ດຳ​ນ້ຳ​ໃນ​ວັນ​ທີ 19 ຕຸ​ລາ​ນີ້​ກໍ​ແມ່ນ​ການ​ເຄື່ອນ​ໄຫ​ວ​​ຕາມ​ປົກ​ກະ​ຕິ​ເພື່ອ​​ຈັດ​ຕັ້ງ​ປະ​ຕິ​ບັດແຜນ​​ພັດ​ທະ​ນາ​ວິ​ທະ​ຍາ​ສາດ​ປ້ອງ​ກັນ​ປະ​ເທດ​ໄລ​ຍະ​ກາງ ແລະ​ໄລ​ຍະ​ຍາວ​ຂອງ ສ​ປ​ປ ເກົາ​ຫລີ​ໃຫ້​ສຳ​ເລັດ, ບໍ່​ໄດ້ເປັນ​ໄພ​ຂົ່ມ​ຂູ່ ຫລື​ສ້າງຄວາມ​ອັນ​ຕະ​ລາຍ​ໃຫ້​ກັບ​ສະ​ຖຽນ​ລ​ະ​ພາບ​ຂອງ​ປະ​ເທດ​ອ້ອມ​ຂ້າງ ແລະ​ພາກ​ພື້ນ.

    ແຕ່​ອາ​ເມ​ຣິ​ກາ​ໄດ້​ໃສ່​ຮ້າ​ຍ​ປ້າຍ​ສີ​ວ່າ: ສ​ປ​ປ ເກົາ​ຫລີ​ໄດ້​ລະ​ເມີດ​ມະ​ຕິ​ຂອງ​ສະ​ພາ​ຄວາມ​ໝັ້ນ​ຄົງ​ອົງ​ການ​ສະ​ຫະ​ປະ​ຊາ​ຊາດ, ​ໂດຍອ້າງວ່າ ​ເລື່ອງ​ນີ້​ເປັນໄພ​ຂົ່ມ​ຂູ່​ຕໍ່​ຄ​ວາມ​ສະ​ຖຽນ​ລະ​ພາບ ແລະ​ສັນ​ຕິ​ພາບຂອງ​ພາກ​ພື້ນ, ທັງ​ໄດ້​ຮຽກ​ຮ້ອງ​ໃຫ້​ສະ​ພາ​ຄວາມ​ໝັ້​ນ​ຄົງ​ອົງ​ການ​ສະ​ຫະ​ປະ​ຊາ​ຊາດ​ຈັດ​ກອງ​ປະ​ຊຸມ​ຢ່າງ​ຮີບ​ດ່ວນ, ເຊິ່ງ​ເປັນ​ການ​ກະ​ທຳ​ທີ່​ເກີນກວ່າ​ເຫດ​ທີ່​ສຸດ, ສ​ປ​ປ ເກົາ​ຫລີ​ສະ​ແດງ​ຄວາມ​ກັງ​ວົນ​ຕໍ່​ເລື່ອງ​ນີ້.

ສ​ປ​ປ ເກົາ​ຫລີ​ພັດ​ທ​ະ​ນາ​ຄວາມ​ສາ​ມາດ​​ການ​ສະ​ກັດ​ກັ້ນ​ສົງ​ຄາມບໍ່​ໄດ້​ແນ​ໃສ່​ປະ​ເທດ ຫລື​ອິດ​ທິ​ກຳ​ລັງ​ໃດ​ໜຶ່ງ, ຫາກ​​ແຕ່​ເພື່ອ​​ປ້ອງ​ກັນ​ບໍ່​ໃຫ້​ເກີດ​ສົງ​ຄາມ ແລະ​ປົກ​ປັກ​ຮັກ​ສາ​ອະ​ທິ​ປະ​ໄຕ​ແຫ່ງ​ຊາດ​ຂອງ​ຕົນ.

ຄຳ​ເຫັນ

0