ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕົວເລກຫຼ້າສຸດຂອງອົງການການຄ້າໂລກ ຫຼື WHO ໄດ້ຊີ້ໃຫ້ເຫັນວ່າ,ໃນຕະຫຼາດການນຳເຂົ້າສິນຄ້າຂອງສາກົນໃນ 6 ເດືອນຕົ້ນປີນີ້ ໂກຕາຂອງຈີນໄດ້ເພີ່ມຂຶ້ນເປັນ 12% ເມື່ອທຽບກັບໄລຍະດຽວກັນຂອງປີກາຍນີ້ແລ້ວ ໄດ້ເພີ່ມຂຶ້ນ 0,7%, ໄດ້ກວມເອົາ 15% ຂອງຈຳນວນສິນຄ້ານຳເຂົ້າທີ່ເພີ່ມຂຶ້ນຂອງທົ່ວໂລກ. ໃນກອງປະຊຸມຂ່າວທີ່ຈັດຂຶ້ນໃນວັນທີ 21 ຕຸລານີ້, ທ່ານນາງຊູ້ເຈ໋ທີງ ໂຄສົກກະຊວງການຄ້າຈີນກ່າວວ່າ, ຈີນໄດ້ຊຸກຍູ້ການເປີດປະຕູສູ່ພາຍນອກໃນລະດັບສູງຢ່າງໝັ້ນໜຽວບໍ່ປ່ຽນແປງ, ຕັ້ງໜ້າເປີດກວ້າງການນຳເຂົ້າສິນຄ້າ, ກາຍເປັນຕະຫຼາດນຳເຂົ້າສິນຄ້າໃຫຍ່ເປັນອັນດັບສອງຂອງໂລກເປັນເວລາ 11 ປີລຽນຕິດ, ເປັນເປົ້າໝາຍການສົ່ງອອກສິນຄ້າຕົ້ນຕໍຂອງຫຼາຍປະເທດ ແລະ ເຂດແຄວ້ນ.
ໃນ 3 ໄຕມາດຕົ້ນປີນີ້, ການນຳເຂົ້າສິນຄ້າຂອງຈີນໄດ້ບັນລຸເກືອບ 2.000 ຕື້ໂດລາ, ເພິ່ມຂຶ້ນ 32,6% ເມື່ອທຽບກັບໄລຍະດຽວກັນຂອງປີກາຍນີ້ ໄດ້ສ້າງສະຖິຕິສູງສຸດເມື່ອທຽບກັບໄລຍະດຽວກັນໃນປະຫວັດສາດ.
ຄຳເຫັນ
0