ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຄຽງຄູ່ກັບງານວາງສະແດງສິນຄ້ານຳເຂົ້າສາກົນຈີນຄັ້ງທີ 4 ຈະຈັດຂຶ້ນໃນໄວໆນີ້, ເຄື່ອງທີ່ນຳມາວາງສະແດງທີ່ມາຈາກແຫ່ງຕ່າງໆຂອງໂລກໄດ້ສົ່ງເຂົ້າເມືອງຈີນຢ່າງຫຼວງຫຼາຍ, ວິສາຫະກິດຂົນສົ່ງທາງທະເລ, ອົງການດ່ານພາສີແລະພາກສ່ວນອື່ນໆຂອງນະຄອນຊຽງໄຮໄດ້ປະສານງານກັນຢ່າງໃກ້ຊິດ, ເພື່ອເລັ່ງລັດເຮັດວຽກງານຜ່ານດ່ານຂອງສິນຄ້າທີ່ຈະເຂົ້າຮ່ວມງານວາງສະແດງຄັ້ງນີ້.
ຢູ່ດ່ານພາສີອູຊົ່ງນະຄອນຊຽງໄຮ, ສິນຄ້າທີ່ຈະເຂົ້າຮ່ວມງານວາງສະແດງຂອງນູແວເຊລັງ, ຍີ່ປຸ່ນແລະສ.ເກົາຫຼີໄດ້ສົ່ງໄປຮອດສະຖານທີ່ກວດການຜ່ານດ່ານຕາມໆກັນ, ພະນັກງານຂອງ ດ່ານພາສີກໍໄດ້ເຮັດວຽກງານກວດກາໃນທັນທີ.
ນັບມາຮອດວັນທີ 21 ຕຸລານີ້, ດ່ານພາສີອູຊົ່ງໄດ້ສຳເລັດວຽກງານກວດກາຕໍ່ສິນຄ້າວາງສະແດງທີ່ຂົນສົ່ງທາງທະເລ 15 ງວດ. ປັດຈຸບັນ, ອົງການດ່ານພາສີນະຄອນຊຽງໄຮໄດ້ເລີ່ມເຮັດວຽກສຳລັນໄລຍະ “ຮູບການງານວາງສະແດງສິນຄ້ານຳເຂົ້າສາກົນຈີນ” ແລ້ວ, ໂດຍໄດ້ເປີດປ່ອງຢ້ຽມສະເພາະ 110 ແຫ່ງແລະຊ່ອງທາງສີຂຽວຢູ່ດ່ານພາສີຂົນສົ່ງທາງທະເລ, ທາງອາກາດແລະທາງບົກ, ເພື່ອສະໜອງການບໍລິການຕະຫຼອດ 24 ຊົ່ວໂມງ.
ຄຳເຫັນ
0