ແຫຼ່ງ​ຂ່າວ​ຈາກ​ກະ​ຊວງ​ການ​ຄ້າ​ຈີນໃຫ້ຮູ້ໃນວັນ​ທີ 22 ຕຸ​ລານີ້ວ່າ: ເຖິງວ່າ​ປັດ​ຈຸ​ບັນ ສະພາບແວດ​ລ້ອມ​ທາງພາຍນອກ​ຍັງ​ສັບ​ສົນແລະ​ຂ້ຽວ​ຂາດ​ຫຼາຍ​ກໍຕາມ, ແຕ່​ຈີນ​ຍັງ​ມີ​ເງື່ອນ​ໄຂ​ທີ່​ດີບໍ່ໜ້ອຍ​ໃນ​ດ້ານ​ການ​ດຶງ​ດູດ​ການ​ລົງ​ທຶນ​ຂອງ​ຕ່າງ​ປະ​ເທດ, ຄາດ​ວ່າ ​ປີນີ້ຈະສາມາດດຶງ​ດູດ​ການ​ລົງ​ທຶນຂອງຕ່າງ​ປະ​ເທດ​ໄດ້ເຖິງ 1 ພັນກວ່າ​ຕື້ຢວນ, ​ບັນ​ລຸ​ເປົ້າ​ໝາຍ​ການ​ດຶງ​ດູດ​ທຶນ​ຕ່າງ​ປະ​ເທດ​ຢ່າງ​ໝັ້ນ​ທ່ຽງ​.

   ຜົນ​ການ​ສຳ​ຫຼວດ​ສະ​ບັບ​ໜຶ່ງ​ທີ່​ກະ​ຊວງ​ການ​ຄ້າ​ຈີນ​ປະ​ກາດ​ໃນ​ຫວ່າງ​ມໍ່ໆມາ​ນີ້ ກໍ​ໄດ້​ສະ​ແດງ​ໃຫ້​ເຫັນ​ວ່າ: ໃນ​ວິ​ສາ​ຫະ​ກິດ​ທຶນ​ຕ່າງ​ປະ​ເທດທີ່ສຳຄັນ 3 ພັນ​ກວ່າ​ແຫ່ງ, ມີ 93,3%​ ໄດ້​ເຫັນ​ໄປ​ໃນ​ແງ່​ດີ​ຕໍ່​ອະ​ນາ​ຄົດຂອງ​ການ​ພັດ​ທະ​ນາ. ສະ​ພາ​ການ​ຄ້າ​ຕ່າງ​ປະ​ເທດ​ຂອງ​ອາ​ເມ​ຣິ​ກາ, ເອີ​ລົບ​ ແລະ​ຍີ່​ປຸ່ນ​ເປັນ​ຕົ້ນ​ ກໍໄດ້​ປະ​ກາດ​ບົດ​ລາຍ​ງານ​ໃນ​ຫວ່າງ​ມໍ່ໆ​ມານີ້ ​ໂດຍ​ສະ​ແດງ​ໃຫ້​ເຫັນ​ວ່າ: ​ວິ​ສາ​ຫະ​ກິດ​ອາ​ເມ​ຣິ​ກາ​ເກືອບ 2/3, ວິ​ສາ​ຫະ​ກິດ​ສະ​ຫະ​ພາບ​ເອີ​ລົບ 59% ແລະ​ວິ​ສາ​ຫະ​ກິດ​ຍີ່​ປຸ່ນ 36,3% ມີ​ແຜນ​ຈະ​ເປີດກວ້າງ​ການ​ລົງ​ທຶນ​ຢູ່​ຈີນ, ​ທຶນ​​ຕ່າງ​ປະ​ເທດມີຄວາມສົນໃຈຕໍ່ຈີນ​ນັບ​ມື້​ນັບ​ຫຼາຍ​ຂຶ້ນ.