ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຫວ່າງມໍ່ໆມານີ້, ຄຽງຄູ່ກັບລາຄານ້ຳມັນດິບສາກົນຖີບຕົວສູງຢ່າງບໍ່ຢຸດຢັ້ງ, ລາຄານ້ຳມັນແອັດຊັງຢູ່ປ້ຳນ້ຳມັນປະເທດຕ່າງໆທົ່ວໂລກກໍ່ຖີບໂຕສູງຂຶ້ນເຊັ່ນກັນ.
ຕົວເລກຂໍ້ມູນສະແດງໃຫ້ເຫັນວ່າ, ນັບແຕ່ຕົ້ນປີນີ້ມາ, ລາຄານ້ຳມັນດິບສາກົນດໄດ້ຖີບໂຕສູງຂຶ້ນຫຼາຍກວ່າ 60%.
ຕົວເລກຂໍ້ມູນຫຼ້າສຸດທີ່ອົງການສະຖິຕິແຫ່ງຊາດອັງກິດປະກາດໃນວັນທີ 20 ຕຸລານີ້ສະແດງໃຫ້ເຫັນວ່າ, ໃນເດືອນກັນຍາແລ້ວນີ້, ລາຄານ້ຳມັນແອັດຊັງຂອງອັງກິດໄດ້ຖີບສູງຂຶ້ນ 19% ເມື່ອທຽບກັບໄລຍະດຽວກັນຂອງປີກາຍນີ້ ບັນລຸເຖິງ 1,35 ປອນສ໌ຕໍ່ລິດ ເປັນລະດັບສູງສຸດໃນຮອບ 8 ປີມານີ້. ນີ້ກໍ່ໝາຍຄວາມວ່າ, ເມື່ອທຽບກັບໄລຍະດຽວກັນຂອງປີກາຍນີ້, ຕື່ມນ້ຳມັນເຕັມຖັງແຕ່ລະເທື່ອຕ້ອງຈ່າຍເງິນເພີ່ມ 10,8 ປອນສ໌.
ໃນຖານະເປັນປະເທດບໍລິໂພກນ້ຳມັນເຊື້ອໄຟທີ່ໃຫຍ່ອັນດັບ 3 ໃນໂລກ, ນັບແຕ່ຕົ້ນປີນີ້ມາ, ລາຄານ້ຳມັນແອັດຊັງຂອງອິນເດຍໄດ້ເພີ່ມຂຶ້ນ 23%. ຜູ້ຂັບລົດໄປເຂົ້າການຈຳນວນຫຼາຍກ່າວວ່າ, ຍ້ອນລາຄານ້ຳມັນສູງໂພດ, ພວກເຂົາເຈົ້າຕ້ອງເລືອກຄົມມະນາຄົມສາທາລະນະຫຼາຍກວ່າເກົ່າໃນປັດຈຸບັນ, ຖ້າລາຄານ້ຳມັນຖີບສູງຂຶ້ນຕື່ມອີກ, ພວກເຂົາເຈົ້າມີແຕ່ຈະຂາຍລົດຂອງຕົນ.
ຄຳເຫັນ
0