ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຂ່າວສານລອຍເຕີ ແລະ ຂ່າວສານອາແອັຟເປລາຍງານວ່າ, ວັນທີ 22 ຕຸລານີ້, ທ່ານນາງເຈນ ປະຊາກີ ໂຄສົກທຳນຽບຂາວອາເມຣິກາກ່າວວ່າ, ນະໂຍບາຍຂອງອາເມຣິກາທີ່ມີຕໍ່ໄຕ້ຫວັນບໍ່ໄດ້ປ່ຽນແປງ.
ໃນມື້ໜຶ່ງກ່ອນໜ້ານີ້, ທ່ານໂຈ ບາຍເດນ ປະທານາທິບໍດີອາເມຣິກາກ່າວວ່າ, ອາເມຣິກາຈະ “ປົກປ້ອງໄຕ້ຫວັນ”. ຂ່າວແຈ້ງວ່າ, ມີຜູ້ຊ່ຽວຊານດ້ານບັນຫາໄຕ້ຫວັນຂອງອາເມຣິກາເຫັນວ່າ, ຄວາມເວົ້າຂອງທ່ານບາຍເດນກ່ຽວກັບບັນຫາໄຕ້ຫວັນໃນເທື່ອນີ້ແມ່ນເວົ້າຜິດປາກ.
ໃນກອງປະຊຸມຂ່າວທີ່ຈັດຂຶ້ນໃນວັນທີ 22 ຕຸລານີ້, ເມື່ອທ່ານນາງປະຊາກີເວົ້າເຖິງຄວາມເວົ້າກ່ຽວກັບໄຕ້ຫວັນຂອງທ່ານບາຍເດນ, ນາງກ່າວວ່າ: “ນະໂຍບາຍຂອງອາເມຣິກາບໍ່ໄດ້ປ່ຽນແປງ. ຈຸດປະສົງຂອງເພິ່ນບໍ່ແມ່ນເພື່ອສະແດງໃຫ້ເຫັນການປ່ຽນແປງຂອງນະໂຍບາຍ, ເພິ່ນກໍ່ບໍ່ໄດ້ຕົກລົງປ່ຽນແປງນະໂຍບາຍຂອງອາເມຣິກາ.”
ມື້ດຽວກັນ, ທ່ານເນັດ ປຣາຍສ ໂຄສົກກະຊວງການຕ່າງປະເທດອາເມຣິກາກໍ່ກ່າວວ່າ: “ທ່ານປະທານາທິບໍດີບໍ່ໄດ້ປະກາດນະໂຍບາຍຂອງອາເມຣິກາເກີດມີການປ່ຽນແປງ. ນະໂຍບາຍຂອງອາເມຣິກາບໍ່ໄດ້ເກີດມີການປ່ຽນແປງໃດໆ.”
ຄຳເຫັນ
0