ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຫວ່າງກ່ອນນີ້ບໍ່ດົນ, ໃນເວລາໃຫ້ສຳພາດຕໍ່ສື່ມວນຊົນເຢຍລະມັນ, ທ່ານ ຄີໂຊ ມາບູບານີ ນັກວິຊາການດ້ານການພົວພັນສາກົນ ອະດີດນັກການທູດຂອງສິງກະໂປ ກ່າວວ່າ: ປະເທດຕາເວັນຕົກມີຄວາມເຂົ້າໃຈຜິດຫຼາຍຢ່າງຕໍ່ປະເທດຈີນ, ພວກເຂົາເຈົ້າຄວນເຂົ້າໃຈວ່າ ຈີນບໍ່ມີເຫດຜົນໃດໆທີ່ຈະກາຍເປັນແບບຄ້າຍຄືປະເທດຕາເວັນຕົກ.
ທ່ານ ຄີໂຊ ມາບູບານີ ກ່າວຕື່ມວ່າ: ປະເທດຕາເວັນຕົກບໍ່ຄວນເຂົ້າໃຈຜິດວ່າ, ປະເທດຈີນຕ້ອງການລອກຮຽນແບບຂອງປະເທດຕາເວັນຕົກ. ບາງຄົນໃນປະເທດຕາເວັນຕົກຈົນກະທັ້ງມີຄວາມເຫັນຢ່າງ “ຈິງໃຈ” ວ່າ ຕົນເອງຮູ້ແຈ້ງກວ່າຊາວຈີນວ່າ ອັນໃດຈຶ່ງແມ່ນເລື່ອງດີຕໍ່ປະເທດຈີນ, ຄວາມຄິດດັ່ງກ່າວນີ້ ຈອງຫອງສົມຄວນ. ທ່ານ ຄີໂຊ ກ່າວວ່າ, ຊາວຈີນໄດ້ຮັບຄວາມສຸກຄືນໃໝ່, ແຕ່ບາງຄົນໃນປະເທດຕາເວັນຕົກພັດເວົ້າວ່າ ຈີນບໍ່ຄວນເປັນແນວນີ້ຕໍ່ໄປອີກ.
ໃນເວລາກ່າວເຖິງສາຍພົວພັນຈີນ-ອາເມຣິກາ, ທ່ານ ຄີໂຊ ເຫັນວ່າ, ຖ້ອຍຄວາມທີ່ວ່າ “ສົງຄາມເຢັນຄັ້ງໃໝ່” ລະຫວ່າງຈີນກັບອາເມຣິກາ ທີ່ສື່ມວນຊົນຈຳນວນໜຶ່ງກ່າວເຖິງນັ້ນ ແມ່ນບໍ່ຖືກຕ້ອງ. ສະພາບຕົວຈິງແມ່ນ, ຮູບຖານຈິດສຳນຶກຂອງອາເມຣິກາແຂງກະດ້າງ ແລະ ດື້ດ້ານ; ຂະນະດຽວກັນ ຄວາມໝັ້ນໃຈຕົນເອງຂອງຄົນອາເມຣິກາຈຳນວນໜຶ່ງຄືວ່າບໍ່ໄດ້ຖືກທຳລາຍ ໂດຍຍັງຄົງເຫັນວ່າ ປະເທດຕົນແມ່ນແບບຢ່າງຂອງໂລກ.
ຄຳເຫັນ
0