ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 23 ຕຸລານີ້, ໃນເວລາໃຫ້ສຳພາດຕໍ່ນັກຂ່າວ, ທ່ານອັນໂຕນີໂອ ກູເຕີເຣສ ເລຂາທິການໃຫຍ່ອົງການສະຫະປະຊາຊາດ ໄດ້ຕີລາຄາສູງຕໍ່ຜົນສຳເລັດຂອງຈີນໃນດ້ານການຫຼຸດຜ່ອນຄວາມທຸກຍາກ ແລະ ດ້ານອື່ນໆ, ພ້ອມທັງຮຽກຮ້ອງໃຫ້ປະຊາຄົມໂລກສາມັກຄີກັນ ເພື່ອຮັບມືກັບສິ່ງທ້າທາຍຮ່ວມຕ່າງໆ.
ທ່ານອັນໂຕນີໂອ ກູເຕີເຣສກ່າວວ່າ: “ຂ້າພະເຈົ້າຂໍສະແດງຄວາມຂອບໃຈປະເທດຈີນທີ່ໄດ້ເສີມຂະຫຍາຍບົດບາດໃນດ້ານການວາງແຜນການແລະຈັດຕັ້ງປະຕິບັດເປົ້າໝາຍພັດທະນາແບບຍືນຍົງ ເຊິ່ງໄດ້ສະແດງໃຫ້ເຫັນວ່າ: ຈີນໄດ້ໃຫ້ຄຳໝັ້ນສັນຍາອັນໜັກແໜ້ນ ແລະ ໄດ້ມີຄວາມຄືບໜ້າອັນໃຫຍ່ຫຼວງ ໃນດ້ານການລຶບລ້າງຄວາມທຸກຍາກປະເພດຕ່າງໆ ແລະ ໃນລະດັບຕ່າງໆ, ຄວາມທຸກຍາກແມ່ນສິ່ງທ້າທາຍຕົ້ນຕໍທີ່ໂລກພວມປະເຊີນຢູ່ຮ່ວມກັນ.” ທ່ານກ່າວຕື່ມວ່າ: ຈີນໄດ້ສະໜອງບົດຮຽນອັນລ້ຳຄ່າໃນດ້ານການຫຼຸດຜ່ອນຄວາມທຸກຍາກໃຫ້ກັບໂລກ ແລະ ພວມໄດ້ແບ່ງປັນບົດຮຽນເຫຼົ່ານີ້ໃຫ້ແກ່ປະເທດອື່ນໆ ໂດຍຜ່ານການຮ່ວມມືໃຕ້-ໃຕ້.
ໃນຂະນະດຽວກັນ, ທ່ານອັນໂຕນີໂອ ກູເຕີເຣສກໍ່ໄດ້ຮຽກຮ້ອງໃຫ້ປະຊາຄົມໂລກສາມັກຄີກັນ ເພື່ອຫຼຸດຜ່ອນຄວາມຂັດແຍ້ງອັນໃຫຍ່ຫຼວງ ແລະ ແກ້ໄຂສິ່ງທ້າທາຍຮ່ວມ ໂດຍຜ່ານການເພີ່ມທະວີການຮ່ວມມືສາກົນ.
ຄຳເຫັນ
0