ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ທ່ານເຣເຊັບ ໄຕຢິບ ເອໂດກັນ ປະທານາທິບໍດີຕວກກີໄດ້ກ່າວໃນວັນທີ 23 ຕຸລານີ້ວ່າ: ຕົນໄດ້ອອກຄຳສັ່ງໃຫ້ກະຊວງການຕ່າງປະເທດຕວກກີກຳນົດເອົາເອກອັກຄະລັດຖະທູດຂອງ 10 ປະເທດປະຈຳຕວກກີ ລວມທັງເອກອັກຄະລັດຖະທູດອາເມຣິກາປະຈຳຕວກກີ ເປັນ “ຜູ້ບໍ່ເພິ່ງປາຖະໜາ”.
ທ່ານເອໂດກັນ ໄດ້ກ່າວຄຳປາໄສຢູ່ເມືອງເອສກີເຊເຮີ ທາງພາກເໜືອຕວກກີໃນວັນດັ່ງກ່າວ ແລະໄດ້ຕົກລົງກ່ຽວກັບເລື່ອງດັ່ງກ່າວ. ໂຄສົກກະຊວງການຕ່າງປະເທດອາເມຣິກາໄດ້ມີຄຳເຫັນຕໍ່ກໍລະນີດັ່ງກ່າວວ່າ: ອາເມຣິກາໄດ້ຮັບຊາບການລາຍງານຂ່າວທີ່ກ່ຽວຂ້ອງແລ້ວ ແລະ ພວມຂໍຄຳອະທິບາຍຈາກກະຊວງການຕ່າງປະເທດຕວກກີ. ຂະນະທີ່ກະຊວງການຕ່າງປະເທດນອກແວ ແລະ ກະຊວງການຕ່າງປະເທດດານມາກ ກ່າວວ່າ: ບໍ່ທັນໄດ້ຮັບການແຈ້ງການໃດໆຈາກເຈົ້າໜ້າທີ່ຕວກກີເທື່ອ.
ວັນທີ 19 ຕຸລານີ້, ກະຊວງການຕ່າງປະເທດຕວກກີໄດ້ຮຽກເອກອັກຄະລັດຖະທູດຂອງ 10 ປະເທດດັ່ງກ່າວປະຈຳຕວກກີເຂົ້າພົບ ໂດຍຕຳໜິຕິຕຽນເຂົາເຈົ້າວ່າໄດ້ຝ່າຝືນປະເພນີປະຕິບັດສາກົນໃນດ້ານການທູດ ໂດຍໄດ້ອອກຖະແຫຼງການຮ່ວມທີ່ໄຮ້ມາລະຍາດ, ຫັນຄະດີຕຸລາການເປັນບັນຫາການເມືອງ ເຊິ່ງເປັນການກະທຳທີ່ກ້າວລ້ຳຂອບເຂດ, ຝ່າຍຕວກກີບໍ່ສາມາດຍອມຮັບໄດ້. ວັນທີ 21 ຕຸລານີ້, ປະທານາທິບໍດີຕວກກີໄດ້ຕຳໜິເອກອັກຄະລັດຖະທູດຂອງ 10 ປະເທດດັ່ງກ່າວປະຈຳຕວກກີວ່າໄດ້ແຊກແຊງວຽກງານພາຍໃນຂອງຕວກກີ.
ຄຳເຫັນ
0