ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 26 ຕຸລານີ້, ໂຄສົກຂ່າວທຳນຽບປະທານາທິບໍດີຟີລິບປິນແຈ້ງໃຫ້ຮູ້ວ່າ: ກະຊວງສາທາລະນະສຸກຟີລິບປິນໄດ້ອະນຸມັດໃຫ້ສັກວັກຊີນໂຄວິດ-19 ເຂັມທີ 3 ແກ່ຜູ້ທີ່ເຮັດວຽກດ້ານສາທາລະນະສຸກ,ຜູ້ເຖົ້າທີ່ໄດ້ສັກວັກຊີນສອງເຂັມແລ້ວ,ພວກເຂົາເຈົ້າກໍແມ່ນຜູ້ສັກວັກຊີນໂຄວິດ-19 ກຸ່ມທຳອິດຫຼັງໄດ້ດຳເນີນແຜນການພູມຕ້ານທານພະຍາດໂຄວິດ-19 ຢູ່ປະເທດດັ່ງກ່າວໃນຕົ້ນເດືອນມີນາປີນີ້ເປັນຕົ້ນມາ.
ທ່ານ ໂຣດຣີໂກ ດູເຕີເຕ ປະທານາທິບໍດີຟີລິບປິນໄດ້ຮຽກຮ້ອງໃຫ້ ອຳນາດການປົກຄອງທ້ອງຖິ່ນຈົ່ງເພີ່ມຄວາມພະຍາຍາມ,ຊັກຊວນປະຊາຊົນທີ່ບໍ່ທັນໄດ້ສັກວັກຊີນໂຄວິດ-19 ໃຫ້ໄປສັກວັກຊີນເພື່ອຍົກສູງອັດຕາການສັກວັກຊີນຢູ່ແຫ່ງຕ່າງໆ,ເພື່ອບັນລຸເປົ້າໝາຍການສັກວັກຊີນໂຄວິດ-19 ໃຫ້ໄດ້ 50 ລ້ານຄົນກ່ອນທ້າຍປີນີ້. ທ່ານກ່າວເຕືອນວ່າ: ຖ້າເຈົ້າໜ້າທີ່ບໍ່ໄດ້ປະຕິບັດໜ້າທີ່ຈະຖືກກ່າວຄວາມຮັບຜິດຊອບ.
ຟີລິບປິນໄດ້ດຳເນີນແຜນການພູມຕ້ານທານພະຍາດໂຄວິດ-19 ໃນວັນທີ 1 ມີນາປີນີ້, ຢູ່ເຂດເມໂຕຣມະນີລາໄດ້ມີປະຊາກອນຫຼາຍກວ່າ 85% ໄດ້ສັກວັກຊີນໂຄວິດ-19 ແລ້ວ. ອັດຕາການຕິດພະຍາດໂຄວິດ-19 ຢູ່ປະເທດດັ່ງກ່າວໄດ້ຫຼຸດຕ່ຳລົງບໍ່ເຖິງ 0,46%. ກະຊວງສາທາລະນະສຸກຟີລິບປິນໄດ້ເປີດເຜີຍຕົວເລກຂໍ້ມູນໃນວັນທີ 26 ຕຸລານີ້ໂດຍສະແດງໃຫ້ເຫັນວ່າ: ຈຳນວນຜູ້ຖືກບົ່ງມະຕິເປັນພະຍາດໂຄວິດ-19 ເພີ່ມໃໝ່ຕໍ່ມື້ໃນມື້ດັ່ງກ່າວມີທັງໝົດເຖິງ 4.393 ກໍລະນີ,ເສຍຊີວິດແລ້ວ 135 ຄົນ.
ຄຳເຫັນ
0