ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 27 ຕຸລານີ້, ທ່ານ ໂມຮຳມັດ ໂຮສເຊັນ ບາກີຣີ ຮອງລັດຖະມົນຕີກະຊວງການຕ່າງປະເທດອີຣານກ່າວວ່າ: ອີຣານເຫັນດີຈະຟື້ນຟູການເຈລະຈາກ່ຽວກັບບັນຫານິວເຄລຍອີຣານຄືນໃໝ່ກ່ອນທ້າຍເດືອນພະຈິກໜ້ານີ້.
ໃນມື້ດັ່ງກ່າວ, ທ່ານ ໂມຮຳມັດ ໂຮສເຊັນ ບາກີຣີໄດ້ກ່າວຜ່ານສື່ສັງຄົມອອນລາຍຫຼັງໄດ້ປຶກສາຫາລືກັບທ່ານ ໂມຣາວ ຮອງເລຂາທິການໃຫຍ່ອົງການການເຄື່ອນໄຫວວຽກງານກັບຕ່າງປະເທດຂອງສະຫະພາບເອີຣົບກ່ຽວກັບການເຈລະຈາວ່າດ້ວຍບັນຫານິວເຄລຍອີຣານຢູ່ນະຄອນຫຼວງບລຸກແຊນປະເທດແບນຊິກໂດຍກ່າວວ່າ: ຕົນແລະທ່ານ ໂມຣາວໄດ້ດຳເນີນການເຈລະວວກັນຢ່າງຕັ້ງໜ້າແລະມີລັກສະນະສ້າງສັນຫຼາຍກ່ຽວກັບປັດໄຈທີ່ສຳຄັນ ພື້ນຖານເພື່ອໃຫ້ການເຈລະຈາປະສົບຜົນສຳເລັດ. ອີຣານເຫັນດີຈະຟື້ນຟູການເຈລະຈາຄືນໃໝ່ກ່ອນທ້າຍເດືອນພະຈິກໜ້ານີ້,ສ່ວນກຳນົດໄວ້ເວລາທີ່ລະອຽດຈະເປີດເຜີຍໃນອາທິດໜ້າ.
ການເຈລະຈາລະຫວ່າງຝ່າຍທີ່ກ່ຽວຂ້ອງກັບສັນຍາວ່າດ້ວຍບັນຫານິວເຄລຍອີຣານໄດ້ຈັດຂຶ້ນຢູ່ນະຄອນຫຼວງວຽນປະເທດໂອຕຣິສ໌ແຕ່ເດືອນເມສາປີນີ້ເປັນຕົ້ນມາ,ເພື່ອປຶກສາຫາລືກ່ຽວກັບການຟື້ນຟູການປະຕິບັດສັນຍາລະຫວ່າງອາເມຣິກາ-ອີຣານຄືນໃໝ່,ມາຮອດປັດຈຸບັນນີ້ໄດ້ຈັດຂຶ້ນແລ້ວ 6 ຮອບ. ເນື່ອງຈາກຄວາມຂັດແຍ້ງກັນລະຫວ່າງອາເມຣິກາ-ອີຣານມີຄວາມໜັກໜ່ວງ,ກໍຄືຜູ້ນຳລັດຖະບານອີຣານໄດ້ປ່ຽນຊຸດໃໝ່,ການເຈລະຈາຮອບໃໝ່ຈຶ່ງບໍ່ໄດ້ຈັດຂຶ້ນຕາມເວລາທີ່ກຳນົດໄວ້.
ຄຳເຫັນ
0