ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ເນື່ອງໃນໂອກາດນັບຖອຍຫຼັງຍັງອີກ 100 ວັນຈະຈັດງານກິລາໂອລິມປິກລະດູໜາວປັກກິ່ງ 2022, ຈີນໄດ້ເປີດເຜີຍຊຸດກິລາແລະອຸປະກອນສຳລັບໃຊ້ໃນງານກິລາໂອລິມປິກລະດູໜາວ ແລະ ງານກິລາໂອລິມປິກຄົນພິການລະດູໜາວປັກກິ່ງຢ່າງເປັນທາງການ.
ຊຸດກິລາໄດ້ຄັດເລືອກຈາກຊຸດທີ່ໄດ້ອອກແບບ 600 ກວ່າຊຸດ, ໄດ້ປັບປຸງ 8 ຮອບ, ການອອກແບບໄດ້ໂຮມເອົາຮູບແຕ້ມສີນ້ຳໝຶກດັ້ງເດີມຂອງຈີນ ແລະ ຮູບພູຫິມະ ທີ່ເປັນຮູບຫຼັກໃນງານກິລາໂອລິມປິກລະດູໜາວ ແລະ ໄດ້ໂຮມເອົາລັກສະນະການໃຊ້ງານທີ່ດີ, ປັດໄຈຊົນເຜົ່າ ແລະ ປັດໄຈສິນລະປະທີ່ຈົບງາມເຂົ້າເປັນໜຶ່ງດຽວ.
ທ່ານແຢນເສິງ ຫົວໜ້າພະແນກຊັບພະຍາກອນມະນຸດຂອງຄະນະກຳມະການຈັດງານກິລາໂອລິມປິກລະດູໜາວປັກກິ່ງກ່າວວ່າ: ຊຸດກິລາສຳລັບໃຊ້ໃນງານກິລາໂອລິມປິກລະດູໜາວ ແລະ ງານກິລາໂອລິມປິກຄົນພິການລະດູໜາວປັກກິ່ງໄດ້ປະຕິບັດຕາມຫຼັກການດຳເນີນງານຂອງຄະນະກຳມະການໂອລິມປິກສາກົນ ແລະ ໄດ້ຖອດຖອນບົດຮຽນການກະກຽມງານກິລາໂອລິມປິກລະດູໜາວຄັ້ງຜ່ານມາ ແລະ ປະເພນີການອອກແບບຊຸດກິລາໃນເມື່ອກ່ອນ, ໂດຍອີງຕາມເງື່ອນໄຂດິນຟ້າອາກາດຂອງນະຄອນຫຼວງປັກກິ່ງ, ເມືອງແຢນຊິ້ງ ແລະ ນະຄອນຈ່າງເຈ່ຍໂຂ ພ້ອມທັງຄວາມຕ້ອງການດ້ານການນຳໃຊ້ຢູ່ສະຖານທີ່ຕ່າງກັນ ແລະ ຕຳແໜ່ງງານຕ່າງກັນ, ໄດ້ອອກແບບປະເພດຊຸດກິລາແລະອຸປະກອນກິລາ ທີ່ສາມາດນຸ່ງຖືແລະໃຊ້ງານໄດ້ຢ່າງສະບາຍ ໂດຍອີງຕາມການປ່ຽນແປງຂອງອຸນຫະພູມ ແລະ ຢູ່ສະຖານທີ່ຕ່າງກັນ.
ຄຳເຫັນ
0