ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ເນື່ອງໃນໂອກາດວັນນັບຖອຍຫຼັງຍັງອີກ 100 ວັນຈະຈັດງານກິລາໂອລິມປິກລະດູໜາວປັກກິ່ງປີ 2022, ວຽກງານຮັບປະກັນດ້ານຄົມມະນາຄົມຂອງງານດັ່ງກ່າວກໍໄດ້ກ້າວເຂົ້າສູ່ໄລຍະສຸດທ້າຍແລ້ວ.
ທາງລົດໄຟຄວາມໄວສູງປັກກິ່ງ-ຈ່າງເຈ່ຍໂຂໄດ້ສ້າງສຳເລັດແລະເປີດນຳໃຊ້ໃນວັນທີ 30 ທັນວາປີ 2019, ທາງລົດໄຟສາຍນີ້ຍັງໄດ້ສ້າງຕັ້ງໜ່ວຍງານຮັບໃຊ້ງານໂອລິມປິກສະເພາະທີ່ຊື່ວ່າ “ຄວາມຝັນຂອງຫິມະ” ເພື່ອເຜີຍແຜ່ຄວາມຮູ້ກ່ຽວກັບງານກິລາໂອລິມປິກລະດູໜາວໃຫ້ແກ່ຜູ້ໂດຍສານໃຫ້ຮັບຮູ້.
ທ່ານກຸ້ຍລິນ ຫົວໜ້າຫ້ອງການວາງແຜນລວມຂອງພະແນກວາງແຜນແລະກໍ່ສ້າງຂອງຄະນະກຳມະການຈັດງານໂອລິມປິກລະດູໜາວປັກກິ່ງກ່າວວ່າ: “ສະໜາມແຂ່ງຂັນກິລານ້ຳກ້ອນ ແລະ ຫິມະໃນງານກິລາໂອລິມປິກລະດູໜາວປັກກິ່ງຕັ້ງຢູ່ຫ່າງໄກກັນທີ່ສຸດແມ່ນ 200 ກິໂລແມັດ, ເກືອບເປັນໄລຍະທີ່ໄກທີ່ສຸດໃນປະຫວັດສາດຂອງງານກິລາໂອລິມປິກລະດູໜາວ. ການກໍ່ສ້າງທາງລົດໄຟຄວາມໄວສູງປັກກິ່ງ-ຈ່າງເຈ່ຍໂຂ ໄດ້ເຮັດໃຫ້ງານກິລາໂອລິມປິກລະດູໜາວປັກກິ່ງ ກາຍເປັນງານກິລາໂອລິມປິກລະດູໜາວຄັ້ງທຳອິດໃນຮອບ 100 ປີໃນປະຫວັດສາດງານໂອລິມປິກ ທີ່ໄດ້ເຊື່ອມຕໍ່ສະໜາມກິລາກາງແຈ້ງ ແລະ ສະໜາມກິລາໃນຫົ່ມທັງໝົດດ້ວຍທາງລົດໄຟຄວາມໄວສູງ.
ຄຳເຫັນ
0