ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມຂ່າວCRI: ວັນທີ 29 ຕຸລານີ້ຕາມເວລາທ້ອງຖິ່ນ, ໃນເວລາເຂົ້າຮ່ວມກອງປະຊຸມສຸດຍອດກຸ່ມ 20 ປະເທດຫຼື G20 ຢູ່ນະຄອນຫຼວງໂຣມຂອງອີຕາລີ, ທ່ານຫວາງຢີ້, ລັດຖະມົນຕີກະຊວງການຕ່າງປະເທດຈີນໄດ້ຕອບຄຳຖາມຂອງນັກຂ່າວກ່ຽວກັບເລື່ອງທີ່ອາເມຣິກາແລະບາງປະເທດປະກາດວ່າຈະສະໜັບສະໜູນໃຫ້ໄຕ້ຫວັນ“ເຂົ້າຮ່ວມລະບົບອົງການສະຫະປະຊາຊາດແລະປະຊາຄົມໂລກຢ່າງຕັ້ງໜ້າແລະມີຄວາມໝາຍ”ໃນຫວ່າງມໍ່ໆນີ້.
ທ່ານຫວາງຢີ້ກ່າວວ່າ, ໃນໂລກມີປະເທດຈີນພຽງໜຶ່ງດຽວ, ເຂດໄຕ້ຫວັນແມ່ນພາກສ່ວນໜຶ່ງຂອງຜືນແຜ່ນດິນຈີນ, ເຊິ່ງໄດ້ກາຍເປັນຄວາມຮັບຮູ້ທີ່ເປັນເອກະພາບກັນໂດຍທົ່ວໄປຂອງປະຊາຄົມໂລກ, ກໍ່ແມ່ນຫຼັກການດ້ານການພົວພັນສາກົນທີ່ແຕ່ລະປະເທດຄວນເຄົາລົບຮ່ວມກັນ.
ຫວ່າງກ່ອນນີ້ບໍ່ດົນ, ອາເມຣິກາແລະບາງປະເທດມີເຈດຕະນາຢາກທ້າທາຍເກາະຜິດໃນບັນຫາໄຕ້ຫວັນ, ການກະທຳແບບນີ້ໄດ້ຝ່າຝືນຄຳໝັ້ນສັນຍາດ້ານການເມືອງຂອງຕົນທີ່ໄດ້ໃຊ້ໃນເວລາສ້າງຕັ້ງສາຍພົວພັນທາງການທູດກັບຈີນ, ບໍ່ເອົາຫົວຊານຳຈິດໃຈຮ່ວມຂອງປະເທດສະມາຊິກຕ່າງໆທີ່ໄດ້ລະບຸໃນມະຕິເລກ 2758, ເປັນການທຳລາຍຈຸດປະສົງແລະຫຼັກການຂອງ “ກົດບັດສະຫະປະຊາຊາດ”, ກໍ່ເປັນການທຳລາຍສັນຕິພາບແລະສະຖຽນລະພາບຂອງເຂດຊ່ອງແຄບໄຕ້ຫວັນ. ຖ້າສືບຕໍ່ເຮັດຕາມລຳພັງໃຈ, ຍ່ອມຈະໄຊ້ຄ່າຕອບແທນເທົ່າທີ່ຄວນ.
ຄຳເຫັນ
0