ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຫວ່າງກ່ອນນີ້ບໍ່ດົນ, ທ່ານຫວ່າງເວີນປິ່ນ, ໂຄສົກກະຊວງການຕ່າງປະເທດຈີນ ໄດ້ຕອບຄຳຖາມກ່ຽວກັບເລື່ອງທີ່ປະທານສະພາມົນຕີເອີຣົບ ແລະປະທານຄະນະກຳມະການສະຫະພາບເອີຣົບ ຮ່ວມກັນຕອບຈົດໝາຍຂອງສະມາຊິກສະພາເອີຮົບຈຳນວນໜຶ່ງກ່ຽວກັບປະເທດລີຕົວນີປະກາດຕັ້ງສຳນັກງານຜູ້ແທນເຊິ່ງກັນແລະກັນກັບໄຕ້ຫວັນ.
ຕໍ່ກັບເລື່ອງນີ້, ທ່ານຫວ່າງເວີນປິ່ນກ່າວວ່າ: ຫຼັກການ “ປະເທດຈີນດຽວ”ເປັນຄວາມຮັບຮູ້ທີ່ເປັນເອກະພາບກັນໂດຍທົ່ວໄປຂອງປະຊາຄົມໂລກ ແລະເປັນພື້ນຖານການເມືອງທີ່ຈີນຂະຫຍາຍການພົວພັນກັບທຸກປະເທດທີ່ໄດ້ສ້າງຕັ້ງສາຍພົວກັນທາງການທູດກັບຈີນແລ້ວ. ພວກຂ້າພະເຈົ້າເດັດດ່ຽວຄັດຄ້ານເຈດຕະນາຂອງເຈົ້າໜ້າທີ່ໄຕ້ຫວັນ ທີ່ຫວັງຢາກສ້າງ “ສອງປະເທດຈີນ” ແລະ “ຈີນໜຶ່ງໄຕ້ຫວັນໜຶ່ງ” ຢູ່ໃນສາກົນ , ເດັດດ່ຽວຄັດຄ້ານປະເທດທີ່ໄດ້ສ້າງສາຍພົວພັນທາງການທູດກັບຈີນແລ້ວນັ້ນ ມີການໄປມາຫາສູ່ກັນຢ່າງເປັນທາງການກັບເຈົ້າໜ້າທີ່ໄຕ້ຫວັນ, ພ້ອມທັງໄດ້ກ່າວເຕືອນລັດຖະບານລີຕົວນີ ໃຫ້ປະຕິບັດຕາມຄຳໝັ້ນສັນຍາທາງການເມືອງທີ່ເຄັ່ງຂຶມ ທີ່ຕົນໄດ້ໃຫ້ໃນເວລາສ້າງສາຍພົວພັນທາງການທູດກັບຈີນ, ຢ່າທຳການຕົກລົງຢ່າງຜິດພາດ ແລະບໍ່ສາມາດແກ້ໄຂໄດ້.
ຄຳເຫັນ
0