ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມຂ່າວCRI:ວັນທີ 29 ຕຸລານີ້, ທ່ານສີຈິ້ນຜິງ, ປະທານປະເທດຈີນໄດ້ໂອ້ລົມທາງໂທລະສັບກັບທ່ານໂບຣິສ ຈອນຊັນ, ນາຍົກລັດຖະມົນຕີອັງກິດ.
ທ່ານສີຈິ້ນຜິງໄດ້ຊີ້ອອກວ່າ, ຈີນແລະອັງກິດລ້ວນແຕ່ແມ່ນປະເທດມົນຕີຖາວອນຂອງສະພາຄວາມໝັ້ນຄົງອົງການສະຫະປະຊາຊາດແລະອົງກອນເສດຖະກິດຕົ້ນຕໍຂອງໂລກ, ຄວນຮັກສາການແລກປ່ຽນເປັນຢ່າງດີ, ເພີ່ມທະວີການຮ່ວມມື, ປະກອບສ່ວນເຂົ້າໃນການແກ້ໄຂບັນຫາການແຜ່ລະບາດຂອງພະຍາດໂຄວິດ-19 ໂດຍໄວ, ການປັບປຸງການບໍລິຫານຂອງໂລກໃຫ້ສົມບູນຂຶ້ນກວ່າເກົ່າແລະການບັນລຸການພັດທະນາແລະຈະເລີນຮຸ່ງເຮືອງ. ປີ 2022 ຄືປີໜ້າແມ່ນປີສ້າງຕັ້ງສາຍພົວພັນທາງການທູດລະດັບເອກອັກຄະລັດຖະທູດລະຫວ່າງຈີນ-ອັງກິດຄົບຮອບ 50 ປີ, ສອງຝ່າຍຄວນກຳໂອກາດ, ຮັບມືກັບສິ່ງທ້າທາຍ, ພະຍາຍາມຮ່ວມກັນ, ເພື່ອຊຸກຍູ້ໃຫ້ການພົວພັນລະຫວ່າງຈີນ-ອັງກິດຂະຫຍາຍໄປໜ້າຢ່າງໜັກແໜ້ນຕາມເສັ້ນທາງທີ່ຖືກຕ້ອງ.
ທ່ານໂບຣິສ ຈອນຊັນກ່າວວ່າ, ອັງກິດແລະຈີນມີຄວາມຮັບຮູ້ຢ່າງເປັນເອກະພາບກັນແລະຜົນປະໂຫຍດຮ່ວມກັນໃນບັນຫາສຳຄັນຫຼາຍບັນຫາ, ເຊັ່ນ: ສາທາລະນະສຸກຂອງໂລກ, ການຟື້ນຟູເສດຖະກິດໂລກ, ບັນຫານິວເຄຼຍອີຣານ, ການຕ້ານການກໍ່ການຮ້າຍແລະອື່ນໆ, ສອງຝ່າຍຕ້ອງເພີ່ມທະວີການສົນທະນາກັນຢ່າງຈິງໃຈແລະການຮ່ວມມືຢ່າງມີໄມຕີຈິດ. ອັງກິດຍິນດີລົງເລິກການຮ່ວມມືກັບຈີນໃນຂົງເຂດເສດຖະກິດການຄ້າ, ການສຶກສາ, ພະລັງງານສະອາດແລະຂົງເຂດອື່ນໆ.
ຄຳເຫັນ
0