ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 30 ຕຸລານີ້, ຜູ້ນຳອາເມຣິກາ, ເຢຍລະມັນ, ອັງກິດ ແລະຝຣັ່ງໄດ້ພົບປະກັນໃນໄລຍະເຂົ້າຮ່ວມກອງປະຊຸມສຸດຍອດກຸ່ມ G20. ຫລັງການພົບປະ, ຜູ້ນຳ 4 ປະເທດໄດ້ອອກຖະແຫລງການຮ່ວມ, ໂດຍລະບຸວ່າ: ທ່ານໂຈ ໄບເດັນ ປະທານາທິບໍດີອາເມຣິກາໄດ້ໃຫ້ຄຳໝັ້ນສັນຍາຢ່າງຊັດເຈນວ່າ: ອາເມຣິກາຈະກັບຄືນສູ່ສັນຍາຮອບດ້ານກ່ຽວກັບບັນຫານິວເຄຼຍອີຣານໂດຍມີເງື່ອນໄຂ.
ຖະແຫລງການຮ່ວມລະບຸຕື່ມວ່າ: ທ່ານໂຈ ໄບເດັນໃຫ້ຄຳໝັ້ນສັນຍາຢ່າງຊັດເຈນວ່າ, ຂໍແຕ່ວ່າອີຣານຟື້ນຟູ່ການຈັດຕັ້ງປະຕິບັດຕາມສັນຍາຄືນໃໝ່, ອາເມຣິກາຍິນດີກັບຄືນ ແລະປະຕິບັດຕາມສັນຍາວ່າດ້ວຍບັນຫານິວເຄຼຍອີຣານຢ່າງຮອບດ້ານ. ພາຍຫລັງການຟື້ນຟູການປະຕິບັດຕາມສັນຍາ, ອາເມຣິກາຈະຍົກເລີກການຂວ້ຳບາດທີ່ກ່ຽວຂ້ອງຕໍ່ອີຣານ, ເຊິ່ງຈະມີຜົນດີຕໍ່ການເຕີບໂຕຂອງເສດຖະກິດອີຣານ.
ຫວ່າງມໍ່ໆມານີ້, ທ່ານບາກເຮຣີ ຮອງລັດຖະມົນຕີກະຊວງການຕ່າງປະເທດອີຣານກ່າວວ່າ, ອີຣານຍິນດີຟື້ນຟູການເຈລະຈາກ່ຽວກັບບັນຫານິວເຄຼຍອີຣານຄື່ນໃໝ່ກ່ອນທ້າຍເດືອນພະຈິກ 2021, ເປົ້າໝາຍພຽງໜຶ່ງດຽວຂອງການເຈລະຈາຮອບໃໝ່ກໍຄື: ຍົກເລີກການຂວ້ຳບາດທີ່ໂຫດຮ້າຍ ແລະບໍ່ຖືກຕ້ອງຕາມກົດໝາຍຂອງອາເມຣິກາທີ່ມີຕໍ່ອີຣານ.
ຄຳເຫັນ
0