ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 31 ຕຸລານີ້, ທ່ານ ເຊີນມ້າວໂປ່ ຫົວໜ້າພະແນກການເງິນຂອງອົງການປົກຄອງເຂດບໍລິຫານພິເສດຮົງກົງກ່າວວ່າ: ມີຄົນເວົ້າວ່າ, ປີ 2021 ແມ່ນປີທີ່ຟື້ນຟູເສດຖະກິດ, ເພາະວ່າ ຕົວຊີ້ວັດເສດຖະກິດສ່ວນຫຼາຍຂອງຮົງກົງ ໄດ້ດີຂຶ້ນຢ່າງຕໍ່ເນື່ອງໃນປີນີ້.
ທ່ານ ເຊີນມ້າວໂປ່ ກ່າວຕື່ມວ່າ, ການສົ່ງອອກ ໄດ້ພັດທະນາຢ່າງແຂງແຮງ, ແຮງຂັບເຄື່ອນຈາກຄວາມຕ້ອງການພາຍໃນ ໄດ້ຄ່ອຍໆຟື້ນຟູ, ເຊິ່ງໄດ້ຊັກນຳໃຫ້ເສດຖະກິດຮົງກົງເຕີບໂຕ 7,8% ຢ່າງພົ້ນເດັ່ນໃນ 6 ເດືອນຕົ້ນປີນີ້, ເມື່ອສັງເກດຕົວຊີ້ວັດຕ່າງໆທີ່ກ່ຽວຂ້ອງກັບການຄ້າ ແລະ ການບໍລິໂພກແລ້ວເຫັນວ່າ, ການຟື້ນຟູຂອງເສດຖະກິດຮົງກົງ ຍິ່ງໝັ້ນທ່ຽງກວ່າເກົ່າໃນຫຼາຍເດືອນທີ່ຜ່ານມາ, ເຊື່ອວ່າ, ຈັງຫວະການເຕີບໂຕຂອງເສດຖະກິດໃນໄຕມາດທີ 3 ຍັງຈະດີຄືເກົ່າ.
ທ່ານ ເຊີນມ້າວໂປ່ ຍັງກ່າວວ່າ: ແຕ່ໃດມາ, ການພັດທະນາເສດຖະກິດສັງຄົມຂອງຮົງກົງ ຈະຕັດແຍກອອກຈາກປະເທດຊາດບໍ່ໄດ້. ໃນຫຼາຍປີມານີ້, ການໄປມາຫາສູ່ກັນລະຫວ່າງບຸກຄົນຂອງສອງຝ່າຍ ລ້ວນແຕ່ໄດ້ກາຍເປັນພາກສ່ວນທີ່ສຳຄັນຂອງກິດຈະກຳເສດຖະກິດ ກໍຄືຊີວິດປະຈຳວັນ.
ຄຳເຫັນ
0