ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ທ່ານວ່າງເວີນປິ່ນ ໂຄສົກກະຊວງການຕ່າງປະເທດຈີນໄດ້ກ່າວໃນກອງປະຊຸມຖະແຫຼງຂ່າວປະຈຳວັນທີ 1 ພະຈິກນີ້ວ່າ: ຈີນເວລາໃດກໍເປັນຜູ້ປະຕິບັດຕົວຈິງໃນການປົວແປງດິນຟ້າອາກາດ, ເປັນເຈົ້າການແບກຫາບພັນທະສາກົນທີ່ສອດຄ່ອງກັບສະພາບຄວາມເປັນຈິງຂອງປະເທດຕົນ, ທັງເອົາໃຈໃສ່ສຸດຂີດຢ່າງບໍ່ຢຸດຢັ້ງໃນການເພີ່ມປະສິດທິພາບໃນການເຄື່ອນໄຫວຮັບມືກັບການປ່ຽນແປງຂອງດິນຟ້າອາກາດ.
ໃນກອງປະຊຸມຖະແຫຼງຂ່າວໃນມື້ດຽວກັນ, ທ່ານວ່າງເວີນປິ່ນໄດ້ໃຫ້ທັດສະນະດັ່ງກ່າວໂດຍໄດ້ຕອບໂຕ້ຫາງສຽງທີ່ວ່າ “ຈີນມີເປົ້າໝາຍທີ່ບໍ່ເຂັ້ມແຂງພຽງພໍໃນການຮັບມືກັບການປ່ຽນແປງຂອງດິນຟ້າອາກາດ.”
ສຳລັບຄຳຖາມທີ່ວ່າ “ຈີນໄດ້ປະກອບສ່ວນຫຼາຍຫຼືບໍໃນບັນຫາການຮັບມືກັບການປ່ຽນແປງຂອງດິນຟ້າອາກາດ?” ທ່ານວ່າງເວີນປິ່ນໄດ້ໃຫ້ຄຳຕອບໂດຍຍົກຂໍ້ມູນຊຸດໜຶ່ງມາຊີ້ແຈງວ່າ:
“ສຳລັບປະເທດທີ່ພັດທະນາແລ້ວເພື່ອບັນລຸເປົ້າໝາຍຈາກການປ່ອຍກາກບອນດີອົກຊິດໃຫ້ເຖິງລະດັບສູງສຸດຈົນຮອດການປອດການປ່ອຍກາກບອນດີອົກຊິດ, ສະຫະພາບເອີຣົບໄດ້ໃຊ້ເວລາ 71 ປີ, ອາເມຣິກາ 43ປີ, ຍີ່ປຸ່ນ 37 ປີ, ສ່ວນຈີນໄດ້ກຳນົດເວລາໃຫ້ກັບປະເທດຕົນພຽງແຕ່ 30 ປີເທົ່ານັ້ນ, ເວລາທີ່ສະຫະພາບເອີຣົບນຳໃຊ້ນັ້ນແມ່ນ 2,4 ເທົ່າຂອງຈີນ, ອາເມຣິກາແມ່ນ 1,4 ເທົ່າ, ຍີ່ປຸ່ນແມ່ນ 1,2 ເທົ່າ. ໃນຖານະເປັນປະເທດພວມພັດທະນາໃຫຍ່ທີ່ສຸດໃນໂລກ, ຈີນຈະຫຼຸດການປ່ອຍກາກບອນດີອົກຊິດໃນປະລິມານຫຼາຍທີ່ສຸດໃນໂລກໃຫ້ສຳເລັດ, ໃຊ້ເວລາສັ້ນທີ່ສຸດໃນປະຫວັດສາດຂອງໂລກໃນການບັນລຸເປົ້າໝາຍຈາກການປ່ອຍກາກບອນດີອົກຊິດໃຫ້ເຖິງລະດັບສູງສຸດຈົນຮອດການປອດການປ່ອຍກາກບອນດີອົກຊິດ, ເປົ້າໝາຍນີ້ໄດ້ຮຽກຮ້ອງໃຫ້ຈີນຕ້ອງສູ້ຊົນແລະພະຍາຍາມຢ່າງຫຍຸ້ງຍາກລຳບາກ ເຊິ່ງໄດ້ສະແດງໃຫ້ເຫັນຢ່າງເຕັມສ່ວນວ່າ ປະເທດຈີນໃນຖານະເປັນປະເທດໃຫຍ່ແມ່ນມີຄວາມຮັບຜິດຊອບຕໍ່ກັບບັນຫານີ້”
ຄຳເຫັນ
0