ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 1 ພະຈິກນີ້, ໂຄສົກກະຊວງການຕ່າງປະເທດອີຣານກ່າວວ່າ: ຖະແຫຼງການກ່ຽວກັບແຜນການນິວເຄຼຍອີຣານຂອງຜູ້ນຳ 4 ປະເທດ ຄື: ອາເມຣິກາ, ອັງກິດ, ຝຣັ່ງ ແລະເຢຍລະມັນໃນຫວ່າງມໍ່ໆນີ້ ບໍ່ມີລັກສະນະສ້າງສັນ.
ໂຄສົກທ່ານນີ້ກ່າວວ່າ: ການເຄື່ອນໄຫວນິວເຄຼຍຂອງອີຣານມີລັກສະນະເພື່ອສັນຕິພາບ, ອີຣານບໍ່ມີເຈດຕະນາຜະລິດອາວຸດນິວເຄຼຍ, ອາວຸດນິວເຄຼຍບໍ່ໄດ້ຖືກກຳນົດໄວ້ໃນຍຸດທະສາດປ້ອງກັນປະເທດຂອງອີຣານ. ສະພາບແຂງກະດ້າງໃນປັດຈຸບັນແມ່ນຍ້ອນວ່າອາເມຣິກາແລະ 3 ປະເທດເອີຣົບດັ່ງກ່າວບໍ່ມີຄວາມຮັບຜິດຊອບ, ບໍ່ໄດ້ປະຕິບັດຕາມຄຳໝັ້ນສັນຍາ ແລະຝ່າຝືນມະຕິ 2231 ຂອງສະພາຄວາມໝັ້ນຄົງ ສປຊ.
ການເຈລະຈາສັນຍານິວເຄຼຍອີຣານລະຫວ່າງຝ່າຍທີ່ກ່ຽວຂ້ອງໄດ້ຈັດຂຶ້ນຢູ່ນະຄອນຫຼວງວຽນປະເທດໂອຕຼິສແຕ່ເດືອນເມສາປີນີ້ເປັນຕົ້ນມາ ເພື່ອປຶກສາຫາລືບັນຫາການຟື້ນຟູການປະຕິບັດສັນຍາຂອງອາເມຣິກາແລະອີຣານ, ມາຮອດປັດຈຸບັນນີ້, ການເຈລະຈາໄດ້ດຳເນີນໄປ 6 ເທື່ອແລ້ວ. ຍ້ອນວ່າອາເມຣິກາແລະອີຣານມີຄວາມເຫັນທີ່ຂັດແຍ້ງກັນຢ່າງໜັກໜ່ວງ ແລະຜູ້ນຳລັດຖະບານອີຣານປ່ຽນຊຸດໃໝ່, ການເຈລະຈາຮອບໃໝ່ຈຶ່ງຍັງບໍ່ທັນໄດ້ຈັດຂຶ້ນໂດຍໄວ. ທ່ານອາລີ ບັກເຮຣີ ການີ ກ່າວໃນຫວ່າງກ່ອນນີ້ວ່າ: ອີຣານເຫັນດີຟື້ນຟູການເຈລະຈານິວເຄຼຍອີຣານກ່ອນທ້າຍເດືອນພະຈິກນີ້, ເປົ້າໝາຍຢ່າງດຽວຂອງການເຈລະຈາຮອບໃໝ່ແມ່ນຕ້ອງຍົກເລີກການລົງໂທດທີ່ໂຫດຮ້າຍແລະຜິດກົດໝາຍຂອງອາເມຣິກາທີ່ມີຕໍ່ອີຣານ.
ຄຳເຫັນ
0