ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 2 ພະຈິກນີ້, ທ່ານວ່າງເວີນປິ່ນ ໂຄສົກກະຊວງການຕ່າງປະເທດຈີນໄດ້ກ່າວໃນກອງປະຊຸມຖະແຫຼງຂ່າວວ່າ: ອົສຕຼາລີຄວນປະຕິບັດຕໍ່ຄວາມສົນໃຈຂອງປະຊາ ຄົມໂລກກ່ຽວກັບການຮ່ວມມືດ້ານເຮືອດຳນ້ຳນິວເຄຼຍຢ່າງຈິງໃຈ.
ຂ່າວແຈ້ງວ່າ: ທ່ານເມມມານູເອັນ ມາຄຣົງ ປະທານາທິບໍດີຝຣັ່ງໄດ້ໃຫ້ສຳພາດຕໍ່ສື່ມວນຊົນອົສຕຼາລີໃນໄລຍະກອງປະຊຸມດສຸດຍອດກຸ່ມ G20 ວ່າ: ທ່ານສະກອດ ໂມຣີຊັນ ນາຍົກລັດຖະມົນຕີອົສຕຼາລີໄດ້ເວົ້າຄຳຂີ້ຕົວະຕໍ່ຝຣັ່ງກ່ຽວກັບເລື່ອງສັນຍາເຮືອດຳນ້ຳ, ຝຣັ່ງຈະເຊື່ອໝັ້ນອົສຕຼາລີຄືນໃໝ່ຫຼືບໍ່ ແມ່ນຕ້ອງເບິ່ງວ່າທ່ານໂມຣີຊັນມີການກະທຳແນວໃດ.
ກ່ຽວກັບເລື່ອງນີ້, ທ່ານວ່າງເວີນປິ່ນໄດ້ຕອບຄຳຖາມຂອງນັກຂ່າວວ່າ: “ຈີນໄດ້ຊີ້ແຈງຫຼັກໝັ້ນຕາມຫຼັກການຂອງຕົນຫຼາຍເທື່ອກ່ຽວກັບການຮ່ວມມືດ້ານເຮືອດຳນ້ຳນິວເຄຼຍລະຫວ່າງອົສຕຼາລີ ກັບປະເທດທີ່ກ່ຽວຂ້ອງ. ອົສຕຼາລີຄວນຕອບສະໜອງຄວາມສົງໄສຂອງຄູ່ຮ່ວມມືດ້ວຍຄວາມຈິງໃຈ, ຍິ່ງຄວນປະຕິບັດຕໍ່ຄວາມສົນໃຈຂອງປະຊາຄົມໂລກຢ່າງຈິງໃຈ, ປະຕິບັດພັນທະສາກົນທີ່ບໍ່ແຜ່ຜາຍອາວຸດນິວເຄຼຍຢ່າງແທ້ຈິງ, ຢຸດຕິການສ້າງຄວາມເປັນປໍລະປັກກັນລະຫວ່າງກຸ່ມກ້ອນ, ການແຜ່ຜາຍຄວາມຊ່ຽງ ແລະການກະທຳອື່ນໆທີ່ບໍ່ມີຄວາມຮັບຜິດຊອບ.”
ຄຳເຫັນ
0