ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 3 ພະຈິກນີ້, ທ່ານວ່າງເວີນປິ່ນ ໂຄສົກກະຊວງການຕ່າງປະເທດຈີນໄດ້ກ່າວໃນກອງປະຊຸມຖະແຫຼງຂ່າວວ່າ: ຈີນຈະສືບຕໍ່ປະຕິບັດຕາມແນວຄວາມຄິດການຈັດງານໂອລິມປິກຕາມທິດສີຂຽວ, ຊົມໃຊ້ຮ່ວມກັນ, ເປີດກວ້າງ ແລະປອດໃສຂາວສະອາດ, ເພື່ອຈັດງານມະຫະກຳກິລາໂອລິມປິກທີ່ສ້າງຄວາມປະທັບໃຈອັນເລິກເຊິ່ງແລະມີຄວາມຊົງຈຳທີ່ດີງາມໃຫ້ກັບທົ່ວໂລກ.
ກ່ອນໜ້ານີ້, ເວັບໄຊທາງການຂອງຄະນະກຳມະການໂອລິມປິກສາກົນໄດ້ຍົກໃຫ້ເຫັນເນື້ອໃນກ່ຽວກັບການສະໜັບສະໜູນງານກິລາໂອລິມປິກລະດູໜາວປັກກິ່ງທີ່ລະບຸໃນ “ຖະແຫຼການກອງປະຊຸມສຸດຍອດໂຣມຂອງຜູ້ນຳກຸ່ມ G20”. ທ່ານ ໂທມັສ ບາສ ປະທານຄະນະກຳມະການໂອລິມປິກສາກົນກ່າວວ່າ: ຄະນະກຳມະການໂອລິມປິກສາກົນຂໍສະແດງ “ຄວາມຊົມເຊີຍແລະຂອບໃຈນຳຜູ້ນຳ G20 ທີ່ໄດ້ໃຫ້ການຮັບຮອງແລະສະໜັບສະໜູນງານກິລາໂອລິມປິກລະດູໜາວປັກກິ່ງ.”
ທ່ານວ່າງເວີນປິ່ນກ່າວວ່າ: ງານກິລາໂອລິມປິກລະດູໜາວປັກກິ່ງຈະເປັນງານມະໂຫລານຂອງນັກກິລາປະເທດຕ່າງໆ ທັງເປັນຂີດໝາຍສະແດງໃຫ້ເຫັນເຖິງຄວາມສາມັກຄີແລະມິດຕະພາບຂອງມວນມະນຸດ. ໃນໄລຍະມໍ່ໆມານີ້, ຄະນະກຳມະການໂອລິມປິກສາກົນແລະຫຼາຍປະເທດໄດ້ສະແດງຄວາມອວຍພອນແລະການສະໜັບສະໜູນງານກິລາໂອລິມປິກລະດູໜາວປັກກິ່ງ. ຈີນຈະສືບຕໍ່ປະຕິບັດຕາມແນວຄວາມຄິດການຈັດງານໂອລິມປິກຕາມທິດສີຂຽວ, ຊົມໃຊ້ຮ່ວມກັນ, ເປີດກວ້າງ ແລະປອດໃສຂາວສະອາດ, ຮ່ວມກັນກັບຄະນະກຳມະການໂອລິມປິກສາກົນແລະປະເທດຕ່າງໆ, ສະແດງໃຫ້ເຫັນເຖິງເນື້ອໃນຈິດໃຈໂອລິມປິກທີ່ສາມັກຄີກັນຫຼາຍກວ່າ ເພື່ອປະກອບສ່ວນອັນໃໝ່ເຂົ້າໃນການເຜີຍແຜ່ງານກິລາໂອລິມປິກລະດູໜາວໃຫ້ທົ່ວເຖິງ ກໍຄືພາລະກິດໂອລິມປິກສາກົນ.
ຄຳເຫັນ
0