ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຢູ່ປະເທດຈີນ, ມີຈຸດຕິດຕໍ່ພົວພັນດ້ານນິຕິບັນຍັດຂັ້ນຮາກຖານຈຳນວນໜຶ່ງເຊິ່ງໄດ້ເຊື່ອມຕໍ່ກັບສະພາຜູ້ແທນປະຊາຊົນທົ່ວປະເທດຈີນ ທີ່ເປັນອົງການອຳນາດສູງສຸດຂອງຈີນ, ທັງເຊື່ອມຕໍ່ກັບປະຊາຊົນທຳມະດາສາມັນທີ່ດຳລົງຊີວິດຢູ່ຕາມທາງຮ່ອມຕ່າງໆ. ຜ່ານຈຸດຕິດຕໍ່ພົວພັນເຫຼົ່ານີ້, ຂໍ້ຮຽກຮ້ອງ ແລະ ຂໍ້ສະເໜີຂອງປະຊາຊົນຢູ່ຂັ້ນຮາກຖານສາມາດຖືກສົ່ງໄປຮອດອົງການນິຕິບັນຍັດຂອງຈີນໂດຍກົງ, ໂດຍມີບາດໃນຂະບວນການສ້າງກົດໝາຍຂອງຊາດ.
ວັນທີ 29 ເມສາປີນີ້, ອົງການນິຕິບັນຍັດຂອງຈີນໄດ້ຮັບຮອງເອົາກົດໝາຍວ່າດ້ວຍການຕໍ່ຕ້ານການຟຸມເຟືອຍອາຫານ. ຕອນຄ່ຳມື້ດຽວກັນ, ກຸ່ມວິແຊັດພໍ່ຄ້າຊາວຂາຍຢູ່ເຂດຊຸມຊົນຈີ່ມິງຊ່ານນະຄອນອີ້ອູ່ແຂວງເຈີ້ຈ່ຽງຟົດຟື້ນຫລາຍ. ເລື່ອງມີຢູ່ວ່າ, ຂໍ້ສະເໜີທີ່ພໍ່ຄ້າຊາວຂາຍສະເໜີນັ້ນມີ 3 ຂໍ້ໄດ້ຖືກຮັບເອົາ ແລະ ບັນທຶກໄວ້ໃນກົດໝາຍດັ່ງກ່າວ.
ເດືອນກໍລະກົດປີ020, ຄະນະປະຈຳສະພາຜູ້ແທນປະຊາຊົນນະຄອນອີ້ອູ່ຖືກແຕ່ງຕັ້ງໃຫ້ເປັນຈຸດຕິດຕໍ່ພົວພັນດ້ານນິຕິບັນຍັດຂັ້ນຮາກຖານຂອງຄະນະວຽກງານກົດໝາຍຂອງສະພາຜູ້ແທນປະຊາຊົນທົ່ວປະເທດຈີນ. ເຂດຊຸມຊົນຈີ່ມິງຊ່ານຈຶ່ງໄດ້ກາຍເປັນໜຶ່ງໃນຫ້ອງການຕິດຕໍ່ພົວພັນຂອງຈຸດຕິດຕໍ່ພົວພັນດ້ານນິຕິບັນຍັດຂັ້ນຮາກຖານນະຄອນອີ້ອູ່.
ທ່ານນາງ ຈີ່ງຈີ່ງ ພະນັກງານຂອງຫ້ອງການຕິດຕໍ່ພົວພັນດ້ານນິຕິບັນຍັດຂອງເຂດຊຸມຊົນຈີີ່ມິງຊ່ານໄດ້ຫວນຄືນວ່າ: ພາຍຫລັງໄດ້ຮັບໜ້າວຽກ ຄື: ຮັບຟັງຄຳເຫັນຕໍ່ຮ່າງກົດໝາຍວ່າດ້ວຍການຕໍ່ຕ້ານການຟຸມເຟືອຍອາຫານແລ້ວ, ພວກເຮົາກໍໄດ້ເຕົ້າໂຮມການປະກອບຄຳຄິດເຫັນດ້ານນິຕິບັນຍັດຂອງຄົນທັງຫລາຍທັນທີ, ລວມທັງທະນາຍຄວາມ ແລະ ພໍ່ຄ້າຊາວຂາຍ. ເຂົາເຈົ້າໄດ້ຄົ້ນຄວ້າພິຈາລະນາ ແລະເຊື່ອມຊຶມເນື້ອໃນຂອງຮ່າງກົດໝາຍທັນທີ, ທັງໄດ້ສະເໜີຄວາມຄິດເຫັນ ແລະຂໍ້ສະເໜີທີ່ຕິດແທດຕົວຈິງທັງໝົດ 11 ຂໍ້, ໃນທີ່ສຸດ, ມີ 3 ຂໍ້ໄດ້ຖືກຮັບເອົາ.
ປະສົບການຂອງປະຊາຊົນໃນເຂດຊຸມຊົນຈີ່ມິງຊ່ານນັ້ນ ພຽງແຕ່ເປັນໜຶ່ງໃນເລື່ອງລາວນ້ອຍໆຫຼາຍໆເລື່ອງກ່ຽວກັບປະຊາທິປະໄຕແບບຈີນ.
ມາຮອດເດືອນຕຸລາປີນີ້, ມີຮ່າງກົດໝາຍ ແລະແຜນການສ້າງກົດໝາຍປະຈຳປີທັງໝົດ 126 ສະບັບ ໄດ້ຖືກທາບທາມຄວາມຄິດເຫັນ ແລະຂໍ້ສະໜີຂອງປະຊາຊົນໂດຍຜ່ານຈຸດຕິດຕໍ່ພົວພັນນິຕິບັນຍັດຂັ້ນຮາກຖານຕາມລຳດັບ, ໃນນັ້ນ, ໄດ້ຮັບເອົາຄວາມຄິດເຫັນ ແລະຂໍ້ສະໜີ 2200 ກວ່າຂໍ້.
ຢູ່ຖະໜົນຮົງຊຽວເມືອງຊາງນິງນະຄອນຊຽງໄຮ້ ມີຊາວເມືອງທີ່ມີຈາກ 50 ກວ່າປະເທດ ແລະເຂດແຄວ້ນພັກພາອາໄສຢູ່ທີ່ນີ້. ທ່ານໂນຢັງ ໂຣນາ ຊາວຕວກກີໄດ້ຖືກວ່າຈ້າງໃຫ້ເປັນຜູ້ປະກອບຄວາມຄິດເຫັນດ້ານນິຕິບັນຍັດໃນໄລຍະຕົ້ນທີ່ສ້າງຕັ້ງຈຸດຕິດຕໍ່ພົວພັນດ້ານນິຕິບັນຍັດຂັ້ນຮາກຖານຢູ່ຖະໜົນຮົງຊຽວໃນປີ 2015, ຫລາຍປີມານີ້, ທ່ານໄດ້ປະກອບຄຳຄິດເຫັນໃນດ້ານຕ່າງໆ, ເຊັ່ນ: ຄົມມະນາຄົມ, ການອະນຸລັກສິ່ງແວດລ້ອມ, ຄວາມໝັ້ນຄົງດ້ານສະບຽງອາຫານ ແລະອື່ນໆ ເຊິ່ງມີຫລາຍຂໍ້ຖືກພາກສ່ວນທີ່ກ່ຽວຂ້ອງຮັບເອົາ.
ທ່ານໂນຢັງ ໂຣນາກ່າວວ່າ: ຂ້າພະເຈົ້າບໍ່ຄຶດບໍ່ຝັນວ່າ ຄົນຕ່າງປະເທດກໍສາມາດມີສ່ວນຮ່ວມໃນຂະບວນການສ້າງກົດໝາຍຂອງຈີນ. ປະຊາທິປະໄຕຕ້ອງສອດຄ່ອງກັບສະພາບແຫ່ງຊາດ ແລະປະຫວັດສາດຂອງບັນດາປະເທດ, ບໍ່ຄວນນຳເອົາປະຊາທິປະໄຕຂອງຕ່າງປະເທດມາປຽບທຽບກັບສະພາບການຂອງຈີນ, ຍົກຕົວຢ່າງຄື: ປະເທດຕາເວັນຕົກພວກເຮົາໃນທຸກໆ 4-5 ປີຈະຈັດການລົງຄະແນນສຽງ, ນອກຈາກນີ້, ກໍບໍ່ມີການເຄື່ອນໄຫວແນວອື່ນອີກ. ແຕ່ວ່າຢູ່ປະເທດຈີນ, ຖ້າວ່າເຈົ້າມີຄວາມຄິດເຫັນຕ່າງໆ ກໍສາມາດສະເໜີອອກມາໂດຍຜ່ານຫລາຍຊ່ອງທາງໄດ້, ລັດຖະບານສາມາດຮັບຮູ້ຄວາມຄິດເຫັນ ແລະຂໍ້ຮຽກຮ້ອງຂອງປະຊາຊົນໄດ້ຢ່າງທັນການ, ເຊິ່ງສອດຄ່ອງກັບສະພາບທາງສັງຄົມຂອງປະເທດຈີນທີ່ສຸດ.
ປັດຈຸບັນ, ວຽກງານສ້າງຕັ້ງຈຸດຕິດຕໍ່ພົວພັນດ້ານນິຕິບັນຍັດຂັ້ນຮາກຖານຂອງອົງການນິຕິບັນຍັດແຫ່ງຊາດຈີນ ໄດ້ຮັບການພັດທະນາຢ່າງວ່ອງໄວ, ຈຸດຕິດຕໍ່ພົວພັນດ້ານນິຕິບັນຍັດທີ່ຂຶ້ນກັບຄະນະປະຈຳສະພາຜູ້ແທນປະຊາຊົນໃນ 31 ແຂວງຂອງຈີນ ໄດ້ເພີ່ມຂຶ້ນເປັນ 427 ແຫ່ງ, ຈຸດຕິດຕໍ່ພົວພັນຂັ້ນນະຄອນມີເຖິງ 4.350 ແຫ່ງ. ຈຸດຕິດຕໍ່ພົວພັນອັນນ້ອຍໆເຫຼົ່ານີ້ໄດ້ກາຍເປັນເວທີໃຫຍ່ສຳລັບປະຊາຊົນທີ່ຈະໄດ້ປະກອບຄວາມຄິດເຫັນຕໍ່ວຽກງານສັງຄົມ ແລະນຳໃຊ້ສິດປະຊາທິປະໄຕປະຊາຊົນທົ່ວທຸກຂັ້ນຕອນ.
ຄຳເຫັນ
0