ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຄະນະໂຄສະນາຂອງຄະນະພັກເມືອງຮວ່າຢວນແຂວງຫູນານປະເທດຈີນໄດ້ແຈ້ງໃຫ້ຮູ້ວ່າ, ຫວ່າງມໍ່ໆມານີ້, ຢູ່ບ້ານສິບແປດຖ້ຳເມືອງຮວ່າຢວນກິ່ງແຂວງປົກຄອງຕົນເອງເຜົ່າທູເຈ່ຍເຜົ່າມົ້ງຊ່ຽງຊີ່ແຂວງຫູນານ, ໄດ້ສ້າງມູນນິທິພັດທະນາຊົນນະບົດສິບແປດຖ້ຳຢ່າງເປັນທາງການ, ເຊິ່ງເປັນມູນນິທິພັດທະນາຊົນນະບົດລະດັບເມືອງ.
ມູນນິທິດັ່ງກ່າວແມ່ນຄະນະພັກ ແລະ ອົງການປົກຄອງເມືອງຮວ່າຢວນເປັນຜູ້ລິເລີ່ມສ້າງຂຶ້ນ, ມີກອງທຶນ 4 ລ້ານຢວນໃນເບື້ອງຕົ້ນ, ເຊິ່ງມາຈາກງົບປະມານຂອງເມືອງ ແລະ ການບໍລິຈາກຂອງວິສາຫະກິດ. ຕາມຂ່າວແຈ້ງວ່າ, ການສ້າງຕັ້ງມູນນິທິດັ່ງກ່າວ, ມີຈຸດປະສົງເພື່ອສະແຫວງຫາການບໍລິຈາກ ແລະ ການສະໜັບສະໜູນຈາກວິສາຫະກິດ ແລະ ບຸກຄົນໃຈບຸນໃນວົງການຕ່າງໆຂອງສັງຄົມ, ເປັນການສະສົມກຳລັງແຮງ ແລະ ສ້າງເວທີໃຫ້ແກ່ເມືອງຮວ່າຢວນໃນການປະຕິບັດຍຸດທະສາດພັດທະນາຊົນນະບົດ ແລະ ສ້າງ “ຮູບແບບຮວ່າຢວນ”ໃນການພັດທະນາຊົນນະບົດ ຢ່າງຮອບດ້ານ.
ຄະນະໂຄສະນາຂອງຄະນະພັກເມືອງຮວ່າຢວນໄດ້ໃຫ້ຮູ້ວ່າ, ນັບມາຮອດປະຈຸບັນ, ມູນນິທິດັ່ງກ່າວໄດ້ລະດົມທຶນໄດ້ແລ້ວ 54 ລ້ານກວ່າຢວນ. ໃນອະນາຄົດຈະນຳໃຊ້ກອງທຶນໂດຍປິ່ນອ້ອມຄວາມຮຽກຮ້ອງລວມຄື “ອຸດສາຫະກຳຈະເລີນຮຸ່ງເຮືອງ, ສິ່ງແວດລ້ອມເໝາະສົມຕໍ່ການດຳລົງຊີວິດ, ຮີດຄອງປະເພນີຊົນນະບົດມີຄວາມສິວິໄລ, ການຄຸ້ມຄອງມີປະສິດທິຜົນ, ຊີວິດການເປັນຢູ່ມີຄວາມຮັ່ງມີ”, ເພື່ອເປັນແຮງຊຸກຍູ້ໃຫ້ແກ່ພາລະກິດພັດທະນາຊົນນະບົດຂອງເມືອງຮວ່າຢວນ.
ຄຳເຫັນ
0