ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ໃນກອງປະຊຸມຖະແຫຼງຂ່າວປະຈຳ ວັນທີ 4 ພະຈິກນີ້, ທ່ານວ່າງເວີນປິ່ນ ໂຄສົກກະຊວງການຕ່າງປະເທດຈີນໄດ້ແຈ້ງໃຫ້ຊາບກ່ຽວກັບສະພາບທີ່ຈີນໄດ້ຍື່ນຍັດຕິວ່າດ້ວຍການສົ່ງເສີມການຮ່ວມມືສາກົນເພື່ອນຳໃຊ້ເຕັກນິກວິທະຍາສາດໂດຍສັນຕິໃນຂົງເຂດຄວາມໝັ້ນຄົງສາກົນ ຕໍ່ຄະນະກຳມະການຫຼຸດກຳລັງຮົບແລະຄວາມໝັ້ນຄົງສາກົນຂອງສະມັດຊາໃຫຍ່ອົງການສະຫະປະຊາຊາດ, ທ່ານກ່າວວ່າ: ຍັດຕິສະບັບນີ້ໄດ້ເນັ້ນໜັກເຖິງຄວາມສຳຄັນຂອງການນຳໃຊ້ເຕັກນິກວິທະຍາສາດໂດຍສັນຕິລວມທັງການຮ່ວມມືສາກົນ ທີ່ມີຕໍ່ການພັດທະນາເສດຖະກິດສັງຄົມ, ເລັ່ງທວງໃຫ້ບັນດາປະເທດໃນຂະນະທີ່ປະຕິບັດຕາມພັນທະສາກົນໃນການປ້ອງກັນການແຜ່ຜາຍອາວຸດນີວເຄລຍນັ້ນ, ຍັງຕ້ອງຍົກເລີກຂໍ້ຈຳກັດທີ່ບໍ່ສົມເຫດສົມຜົນຕໍ່ປະເທດພວມພັດທະນາໃນການນຳໃຊ້ເຕັກນິກວິທະຍາສາດໂດຍສັນຕິ.
ຕາມຂ່າວແຈ້ງວ່າ: ວັນທີ 3 ພະຈິກນີ້, ຄະນະກຳມະການຫຼຸດກຳລັງຮົບແລະຄວາມໝັ້ນຄົງສາກົນຂອງສະມັດຊາໃຫຍ່ອົງການສະຫະປະຊາຊາດສະໄໝທີ 76ໄດ້ຮັບຮອງຍັດຕິວ່າດ້ວຍ ການສົ່ງເສີມການຮ່ວມມືສາກົນເພື່ອນຳໃຊ້ເຕັກນິກວິທະຍາສາດໂດຍສັນຕິໃນຂົງເຂດຄວາມໝັ້ນຄົງສາກົນ ເຊິ່ງຍື່ນໂດຍປະເທດຈີນ. ມະຕິສະບັບນີ້ໄດ້ຕົກລົງໃຫ້ກຳນົດເອົາເນື້ອໃນກ່ຽວກັບ “ການສົ່ງເສີມການຮ່ວມມືສາກົນເພື່ອນຳໃຊ້ເຕັກນິກວິທະຍາສາດໂດຍສັນຕິໃນຂົງເຂດຄວາມໝັ້ນຄົງສາກົນ” ເຂົ້າໃນວາລະປະຊຸມຂອງສະມັດຊາໃຫຍ່ອົງການສະຫະປະຊາຊາດ, ຂໍໃຫ້ເລຂາທິການໃຫຍ່ອົງການສະຫະປະຊາຊາດຂໍຄວາມເຫັນກ່ຽວກັບບັນຫາທີ່ກ່ຽວຂ້ອງ ນຳປະເທດສະມາຊິກທັງໝົດ ທັງຍື່ນບົດລາຍງານຕໍ່ກອງປະຊຸມສະມັດຊາໃຫຍ່ອົງການສະຫະປະຊາຊາດສະໄໝທີ 77 ທີ່ຈັດຂຶ້ນໃນປີໜ້າ.
ຄຳເຫັນ
0