ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 4 ພະຈິກນີ້, ທ່ານວ່າງເວີນປິ່ນ ໂຄສົກກະຊວງການຕ່າງປະເທດຈີນໄດ້ກ່າວໃນກອງປະຊຸມຖະແຫຼງຂ່າວວ່າ: ຈີນສະແດງຄວາມຊົມເຊີຍຕໍ່ກຳປູເຈຍຢ່າງສູງທີ່ສາມາດໃຊ້ມາດຕະການຕ້ານກັບພະຍາດໂຄວິດ-19 ໄດ້ເປັນຢ່າງດີ ແລະສະແດງຄວາມດີໃຈຢ່າງຈິງໃຈນຳຜົນສຳເລັດຂອງກຳປູເຈຍໃນການຕ້ານກັບພະຍາດ.
ຂ່າວແຈ້ງວ່າ: ກຳປູເຈຍໄດ້ຮັບຜົນສຳເລັດອັນໃຫຍ່ຫຼວງໃນການຕ້ານກັບພະຍາດໂຄວິດ-19 ພາຍໃຕ້ການຊ່ວຍເຫຼືອຂອງຈີນ, ອັດຕາການສັກວັກຊີນເປັນອັນດັບໜຶ່ງໃນບັນດາປະເທດອາຊຽນ. ກ່ອນໜ້ານີ້, ທ່ານຮຸນແຊນ ນາຍົກລັດຖະມົນຕີກຳປູເຈຍໄດ້ປະກາດວ່າ: ລັດຖະບານຈະຍົກເລີກມາດຕະການປິດເມືອງຕ່າງໆເປັນກ້າວໆ ເຊິ່ງຈະເລີ່ມແຕ່ວັນທີ 1 ພະຈິກນີ້ເປັນຕົ້ນໄປ ແລະຟື້ນຟູການເຮັດວຽກແລະການຜະລິດຢ່າງຮອບດ້ານ.
ໃນເວລາຕອບຄຳຖາມທີ່ກ່ຽວຂ້ອງຂອງນັກຂ່າວ, ທ່ານວ່າງເວີນປິ່ນກ່າວວ່າ: ຈີນຈະສະໜັບສະໜູນກຳປູເຈຍເພື່ອຕ້ານກັບພະຍາດໂຄວິດ-19 ດັ່ງຄືດັ່ງທີ່ເຄີຍໄດ້ເຮັດ. ພວກຂ້າພະເຈົ້າຍັງຍິນດີຮ່ວມກັບປະຊາຊົນກຳປູເຈຍ, ສືບຕໍ່ລົງເລິກການຮ່ວມມືຢ່າງແທ້ຈິງໃນຂົງເຂດຕ່າງໆ, ຊ່ວຍເຫຼືອກຳປູເຈຍຟື້ນຟູເສດຖະກິດ, ປັບປຸງຊີວິດການເປັນຢູ່ຂອງປະຊາຊົນໃຫ້ດີຂຶ້ນ.
ຄຳເຫັນ
0