ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ເລວເສດຖະກິດແມ່ນ້ຳຢາງຊິກຽງແມ່ນເຂດເຊື່ອມຕໍ່ກັບ “ໜຶ່ງເລວໜຶ່ງເສັ້ນທາງ” ທີ່ສຳຄັນຢູ່ພາຍໃນປະເທດຈີນ. ວັນທີ 5 ພະຈິກນີ້, ກອງປະຊຸມຖະແຫຼງຂ່າວຂອງຄະນະກຳມະການການພັດທະນາແລະປະຕິຮູບແຫ່ງຊາດຈີນແຈ້ງໃຫ້ຮູ້ວ່າ, “ແຜນການສ້າງລະບົບຄົມມະນາຄົມ-ຂົນສົ່ງສັງລວມຂອງເລວເສດຖະກິດແມ່ນ້ຳຢາງຊິກຽງ ທີ່ນອນຢູ່ໃນແຜນພັດທະນາເສດຖະກິດ-ສັງຄົມແຫ່ງຊາດ 5 ປີຄັ້ງທີ 14” ທີ່ເຜີຍແຜ່ໃນຫວ່າງມໍ່ໆມານີ້ໄດ້ລະບຸວ່າ, ໃນໄລຍະປະຕິບັດແຜນພັດທະນາເສດຖະກິດ-ສັງຄົມແຫ່ງຊາດ 5 ປີ ຄັ້ງທີ 14, ເລວເສດຖະກິດແມ່ນ້ຳຢາງຊິກຽງຈະສ້າງລະບົບຂົນສົ່ງແບບເປີດກວ້າງລະດັບສູງ.
ໃນຖານະເປັນສິ່ງຄ້ຳປະກັນທີ່ສຳຄັນໃນການຊຸກຍູ້ການພັດທະນາທີ່ມີຄຸນນະພາບສູງຂອງເລວເສດຖະກິດແມ່ນ້ຳຢາງຊິກຽງ ແລະເປັນມາດຕະການສຳຄັນເປັນຂໍ້ກະແຈໃນການເຮັດໃຫ້ເສັ້ນທາງຫຼັກຂອງຮອບໝູນວຽນເສດຖະກິດທັງພາຍໃນແລະຕ່າງປະເທດໂລ່ງລ່ຽນ, ແຜນການສ້າງລະບົບຄົມມະນາຄົມ-ຂົນສົ່ງດັ່ງກ່າວໄດ້ພິມເຜີຍແຜ່ຢ່າງເປັນທາງການໃນເດືອນກັນຍາປີນີ້. ໃນກອງປະຊຸມຖະແຫຼງຂ່າວ, ທ່ານໂຈ່ວສຽວຊີ ຮອງຫົວໜ້າກົມພື້ນຖານຂອງຄະນະກຳມະການການພັດທະນາແລະປະຕິຮູບແຫ່ງຊາດຈີນໄດ້ໃຫ້ຮູ້ວ່າ, ການສ້າງລະບົບຂົນສົ່ງແບບເປີດກວ້າງລະດັບສູງແມ່ນໜຶ່ງໃນໜ້າທີ່ກໍ່ສ້າງຕົ້ນຕໍ ທີ່ສະເໜີອອກໃນແຜນການດັ່ງກ່າວ.
ນອກນີ້, ຕາມເປົ້າໝາຍທີ່ເລວເສດຖະກິດແມ່ນ້ຳຢາງຊີກຽງຕ້ອງນຳໜ້າໝູ່ເດີນຕາມເສັ້ນທາງໃໝ່ທີ່ຖືເອົາຊີວະພາບເປັນທີ່ສຳຄັນກວ່າໝູ່ ແລະພັດທະນາແບບສີຂຽວ, ການຊຸກຍູ້ການສ້າງລະບົບຄົມມະນາຄົມ-ຂົນສົ່ງສັງລວມ ຈະດຳເນີນໄປພາຍໃຕ້ເງື່ອນໄຂເບື້ອງຕົ້ນທີ່ຕ້ອງອະນຸລັກສິ່ງແວດລ້ອມຊີວະພາບ, ເອົາການປັບປຸງສິ່ງແວດລ້ອມຊີວະພາບແມ່ນ້ຳຢາງຊິກຽງໄວ້ຢູ່ໃນຖານະສຳຄັນທີ່ສຸດ.
ຄຳເຫັນ
0