ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕອນຂ້ອນແຈ້ງວັນທີ 7 ພະຈິກນີ້, ອົງການຄວາມໝັ້ນຄົງອີຣັກອອກຖະແຫຼງການວ່າ: ທ່ານມຸສທະຟາ ຄະຕິມີ ນາຍົກລັດຖະມົນຕີອີຣັກຖືກໂຈມຕີແບບສະຫຼະຊີບດ້ວຍເຮືອບິນບໍ່ມີຄົນຂັບຢູ່ເຮືອນຂອງຕົນໃນຄຸ້ມເຂດສີຂຽວຢູ່ນະຄອນຫຼວງແບກແດັກ, ແຕ່ການໂຈມຕີດັ່ງກ່າວບໍ່ໄດ້ຮັບຜົນ, ປັດຈຸບັນ, ທ່ານຄະຕິມີ ປອດໄພດີຢູ່.
ປັດຈຸບັນ, ກອງທັບຄວາມໝັ້ນຄົງອີຣັກໄດ້ປະຕິບັດມາດຕະການທີ່ຈຳເປັນ, ແບກແດັກປະກາດເຂົ້າສູ່ພາວະສຸກເສີນແລ້ວ.
ພາຍຫຼັງເກີດເຫດການດັ່ງກ່າວ, ທ່ານມຸສທະຟາ ຄະຕິມີ ນາຍົກລັດຖະມົນຕີອີຣັກໄດ້ເຜີຍແຜ່ຂ່າວໂດຍຜ່ານສື່ສັງຄົມອອນລາຍວ່າ: ຕົນຈະປົກປັກຮັກສາສິດທິຂອງຕົນແລະກຽດສັດສີຂອງກົດໝາຍຢ່າງເດັດດ່ຽວ. ພ້ອມກັນນັ້ນ, ທ່ານຄະຕິມີກ່າວວ່າຕົນເອງ “ປອດໄພດີ”, ແລະຮຽກຮ້ອງໃຫ້ຝ່າຍຕ່າງໆຈົ່ງຮັກສາຄວາມໃຈເຢັນແລະຄວາມອົດກັ້ນໄວ້.
ຄຳເຫັນ
0