ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມຂ່າວCRI: ເວທີປຶກສາຫາລືສາກົນກ່ຽວກັບຊີວິດການເປັນຢູ່ທີ່ມີຄຸນນະພາບສູງເຊິ່ງເປັນກິດຈະກຳຍ່ອຍຂອງງານວາງສະແດງສິນຄ້ານຳເຂົ້າສາກົນຈີນຄັ້ງທີ 4 ໄດ້ຈັດຂຶ້ນໃນວັນທີ 7 ພະຈິກນີ້, ແຂກຕ່າງໆທີ່ໄດ້ເຂົ້າຮ່ວມເວທີປຶກສາຫາລືດັ່ງກ່າວມີຄວາມເຫັນທີ່ເປັນເອກະພາບກັນວ່າ: ການເປີດປະຕູສູ່ພາຍນອກທີ່ມີລະດັບສູງກວ່າເກົ່າຂອງຈີນຈະສະໜອງສະພາບແວດລ້ອມທີ່ດີໃຫ້ແກ່ຍີ່ຫໍ້ສິນຄ້າລະດັບສູງຂອງສາກົນໃນການສ້າງຫຼັກປັກການຢູ່ຈີນ, ຕະຫຼາດຂອງຈີນຈະກາຍເປັນຕະຫຼາດທີ່ມີຄວາມແຮງດຶງດູດຢ່າງແຂງແຮງໃນດ້ານການບໍລິໂພກທີ່ມີຄຸນນະພາບສູງສຳລັບທົ່ວໂລກ.
ນັບແຕ່ສະພາບພະຍາດໂຄວິດ-19 ໄດ້ເກີດຂຶ້ນເປັນຕົ້ນມາ, ການວາງແຜນທຸລະກິດຍີ່ຫໍ້ສິນຄ້າສາກົນລະດັບສູງຢູ່ຈີນໄດ້ມີການປ່ຽນແປງໃໝ່: ເຊັ່ນ: ການສ້າງຕັ້ງສຳນັກງານໃຫຍ່ພາຍໃນປະເທດຈີນ, ໃນປະຫວັດການບໍລິໂພກສິນຄ້າແຟຊັນຂອງຈີນໃນປີ 2020 ລື່ນກາຍອາເມຣິກາເປັນຄັ້ງທຳອິດ, ແລະກາຍເປັນຕະຫຼາດການບໍລິໂພກສິນຄ້າແຟຊັນໃຫຍ່ທີ່ສຸດໃນໂລກ. ການປ່ຽນແປງດັ່ງກ່າວຍ້ອນໄດ້ຮັບຜົນປະໂຫຍດຈາກມາດຕະການຕ່າງໆດ້ານການເປີດປະຕູສູ່ພາຍນອກທີ່ມີລະດັບສູງກວ່າເກົ່າຂອງຈີນ, ເຊັ່ນ: ການຫຼຸດອັດຕາພາສີຢ່າງເປັນເຈົ້າການ, ໃນເວລາເພີ່ມການນຳເຂົ້າກໍ່ໄດ້ເປີດກວ້າງການເປີດປະຕູສູ່ພາຍນອກໃນຂົງເຂດຕ່າງໆຫຼາຍຢ່າງຕື່ມອີກ, ຈີນໄດ້ຕັ້ງໜ້າປະຕິບັດຍຸດທະສາດເຂດການຄ້າເສລີ, ທັງໄດ້ເຊື່ອມຕໍ່ລະບຽບການດ້ານເສດຖະກິດການຄ້າທີ່ມີລະດັບສູງກວ່າເກົ່າຢ່າງເປັນເຈົ້າການ.
ຄຳເຫັນ
0