ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ໃນຖານະທີ່ເປັນກິດຈະກຳຍ່ອຍຕົ້ນຕໍຂອງງານວາງສະແດງສິນຄ້ານຳເຂົ້າສາກົນຈີນຄັ້ງທີ 4, ວັນທີ 7 ພະຈິກນີ້, ກອງປະຊຸມສຸດຍອດຂອງຂະແໜງການການນຳເຂົ້າອາຫານຂອງຈີນປີ 2021 ແລະກອງປະຊຸມອາຫານປະເພດຊີ້ນສາກົນຈີນຄັ້ງທີ 12 ໄດ້ຈັດຂຶ້ນຢູ່ນະຄອນຊຽງໄຮ.
“ບົດລາຍງານຂະແໜງການການນຳເຂົ້າອາຫານຂອງຈີນປີ 2021” ທີ່ປະກາດໃນກອງປະຊຸມສະແດງໃຫ້ເຫັນວ່າ: ໃນປີ 2020, ມູນຄ່າການນຳເຂົ້າອາຫານຂອງຈີນໄດ້ຫຼາຍກວ່າຮ້ອຍຕື້ໂດລາສະຫະລັດ, ຄື: 107 ຕື້ 730 ລ້ານໂດລາ. ພາສີສະເລ່ຍຂອງສິນຄ້າກະສິກຳນຳເຂົ້າ, ຈາກ 23,2% ໃນ 20 ປີກ່ອນ ໄດ້ຫຼຸດລົງຮອດ 15,2% ໃນປັດຈຸບັນ, ເຊິ່ງເທົ່າກັບ 1 ສ່ວນ 4 ຂອງລະດັບພາສີສະເລ່ຍຂອງສິນຄ້າກະສິກຳຂອງໂລກ. ໃນ 3 ໄຕມາດຂອງປີນີ້, ມູນຄ່າການນຳເຂົ້າອາຫານຂອງຈີນແມ່ນ 101 ຕື້ 410 ລ້ານໂດລາ, ເພີ່ມຂຶ້ນ 29,8% ເມື່ອທຽບໃສ່ໄລຍະດຽວກັນຂອງປີກາຍ, ບົດລາຍງານດັ່ງກ່າວຄາດຄະເນວ່າ, ຈັງຫວະເຕີບໂຕຂອງຍອດມູນຄ່າການນຳເຂົ້າອາຫານຂອງຈີນໃນໝົດປີນີ້ ຈະຫຼາຍກວ່າ 20%.
ຄຳເຫັນ
0